Skeiða – og Gnúpverjahreppur óskar eftir aðilum til að reka fjallaskálann í Hólaskógi á Gnúpverjaafrétti árið 2018 möguleiki er á framlengingu. Um er að ræða tveggja hæða hús í góðu ástandi, byggt úr timbri árið 1998. Gistirými er fyrir allt að 60 manns. Flatarmál hússins er samtals 268,6 fermetrar eða 856 rúmmetrar. Það stendur á 2.500 fermetra lóð.
Fundarboð 47. fundar sveitarstjórnar 20 september 2017 kl 14:00
Mál til umfjöllunar og afgreiðslu :
1. Hvammsvirkjun. Mat á aðstæðum og framkvæmdaáformun.
2. Snjómokstur útboðsgögn.
3. Neslaug leiga. Seinni umræða.
4. Erindi frá Samgöngu og sveitarstj.ráðuneyti. Varðar sameiningar.
Skrifstofa sveitarfélagsins verður lokuð í dag, föstudaginn 15. september. Starfsmönnum er gefinn kostur á að fara í Skaftholtsréttir, ef erindi eru verulega brýn má senda póst á kristofer@skeidgnup.is
Fjárréttir í Skeiða- og Gnúpverjahreppi 2017 Skaftholtsréttir, föstudaginn 15. september. Fé rekið inn kl. 11:00. Reykjaréttir, laugardaginn 16. september. Fé rekið inn kl. 09:00. Ökumenn eru beðnir að sýna þolinmæði því óhjákvæmilegar tafir vegna fjárrekstra verða á vegi 32 - Þjórsárdalsvegi.
Föstudag 15. sept. verða tafir á Þjórsárdalsvegi nr. 32 vegna fjárrekstra. - Fossnes—Skaftholtsréttir kl. 07:30 til kl. 13:00 (hjáleið þó fær um Löngudælaholt og Hamarsheiði) "gamla veginn."
Fréttabréf september með aukablaði er komið út LESA HÉR . Það er stútfullt af lesefni. Staða undirbúnings og framkvæmda Hvammsvirkjunar, bls.6, grein um könnun og flokkun úrgangs bls.3. Leikfimi fyrir komur, bl.5 og 22, heita vatnið í Áshildarmýri, staða framkvæmda Búrfellsvirkjunar að hausti, frá Hrunaprestakalli, menn og málefni og margt fleira. Einnig fundargerðir sveitarstjórnar og stundartafla í íþróttahúsi og gjaldskrá íþróttaæfinga Ungmennafélags Hrunamanna, ásamt auglýsingum um réttir og tafir á umferð í sambandi við þær.
Fundarboð Boðað er til fundar í sveitarstjórn Skeiða-og Gnúpverjahrepps í Árnesi miðvikudginn 6 september 2017 kl. 14:00. Dagskrá: Mál til umfjöllunar og afgreiðslu : 1. Kosning fulltrúa á aðalfund SASS 19 - 20 október nk. 2. Svæðisskráning fornleifa í Skeiða- og Gnúpverjahreppi. 3. Fráveitur. Tilmæli til stjórnvalda varðandi virðisaukaskatt. 4. Snjómokstur. Samningar að renna út. Umræða um framhald. 5. Veiðiréttur í Fossá. Umræður- ákvörðun um útboð. 6. Samingur við Eyþór Brynjólfsson um rekstur Neslaugar. 7. Erindi frá Félagi sauðfjárbænda í Árnessýslu. 8. Fundargerð 139. Fundar Skipulagsnefndar. Mál nr. 17, þarfnast umfjöllunar. Samningar – umsagnir - beiðnir 9. Samingur um refaveiðar. Þarfnast staðfestingar. 10. Miðhús – leigusamningur. Þarfnast staðfestingar. 11. Knarrarholt ósk um leyfi til gistingar. 12. Heilaheill Beiðni um stuðning. 13. Önnur mál löglega framborin. Mál til kynningar : A. Fundargerð 522. Fundar stjórnar SASS. B. Ársreikningur Túns vottunarstofu. C. Afgreiðsla byggingarfulltrúa. 9. Ágúst 17. D. Afgreiðsla byggingarfulltrúa. 23. Ágúst 17. E. Fundargerð vinnufundar um aðalskipulag 17 ágúst 17. F. Reykholt Þjórsárdal. Deiliskipulagskynning. G. Fundur vinnuhóps um sameiningarmál 23.08.17. H. Byggðasamlög í Árnessýslu yfirlit. I. Sveitarstjórnarráðstefna. J. Sjóður innheimtukerfi. Kristófer A. Tómasson, sveitarstjóri.
Vinna við aðalskipulag sveitarfélagsins stendur nú yfir og hefur verið kynnt á í búafundi. Hægt er að nálgast nýjustu gögnin til skoðunar HÉR Sveitarstjórn hvetur fólk til þess að koma með uppástungur og hugmyndir um þessa vinnu.
Bláskógabyggð, Grímsnes-og Grafningshreppi, Hrunamannahreppi, Skeiða-og Gnúpverjahreppi, Flóahreppi og Ásahreppi. Aðalskipulagsmál. Samkvæmt 2. mgr. 30. gr. skipulagslaga nr. 123/2010 er hér kynnt tillaga að eftirfarandi aðalskipulagsbreytingu áður en hún verður lögð fram til afgreiðslu í sveitarstjórn:
Þau mistök urðu við útgáfu bæklings sem Tæknisvið Uppsveita gaf út að þar er tilgreint að tæma ætti allar rotþrær í Skeiða-og Gnúpverjahreppi árið 2017. Það er því miður ekki rétt og hér er skipulag þessara mála til tveggja ára. En rotþrær eru tæmdar á þriggja ára fresti og beðist er velvirðingar á þessum mistökum. Árið 2017 verða rotþrær hreinsaðar frá Skarðsbæjum og endað á Austurhlíð, Steinsholtsbæjum og Skaftholti.- Árið 2018 eru það allar þrær á Skeiðum, Sandlækjarbæjum og endað á Gunnbjarnarholti. Árið 2019 hefst hreinsun við Ásaskóla, Ása, Stóra-Núp og Minna– Núp og endar á Sultartangavirkjun og svo árið 2020 hefst aftur hreinsun á þeim bæjum sem hreinsaðir eru þetta ár ( 2017) o.sfrv.
Íbúafundur verður haldinn í Félagsheimilinu Árnesi þriðjudaginn 29.ágúst 2017 kl. 20:00 þar sem kynnt verður vinna vegna endurskoðunar á aðalskipulagi Skeiða-og Gnúpverjahrepps. Húsið opnar hins vegar kl. 19:00 fyrir áhugasama til kynna sér gögn og ræða við skipulagsráðgjafa. Fulltrúar Rauðakambs ehf munu kynna á fundinum hugmyndir sínar um skipulag við Þjórsárdalslaug.