Aðventukvöld 4. des. í Árnesi kl. 20:00

Aðventukvöld verður haldið í Árnesi þann 4. desember  kl. 20:00. Óskar sóknarprestur ávarpar samkomuna. Helgileikur nemenda Þjórsárskóla verður á sínum stað, fermingarbörn koma fram, kirkjukórar sóknanna syngja og barnakór. Hugvekju kvöldsins flytur okkur Kjartan Þorkelsson lögreglustjóri á Suðurlandi. Samkomunni lýkur með kaffi, safa og smákökum. Njótum saman gleði og kærleika með börnunum, en ALLIR eru hjartanlega velkomnir.

Kveðjuhóf lækna – frestun.

Eins og áður var boðað var fyrirhugað að halda hóf til heiðurs læknunum Gylfa og Pétri 30. nóvember n.k. Þeir eru að láta af störfum sem kunnugt er.  Ákveðið hefur verið að fresta kveðjuhófinu um sinn. Ný tímasetning verður tilkynnt síðar.

Undirbúningsnefndin.

Hugmyndasmiðja Gjálpar - skýrsla komin út.

Hópurinn Gjálp sem stóð að hugmyndasmiðju sem haldin var í Þjórsárskóla á dögunum   um atvinnutækifæri  í sveitarfélaginu  hefur nú skilað skýrslu, lesa hér.    Hópurinn samastendur að ungu öflugu fólki sem á rætur sínar hér í sveitarfélaginu, og er þetta frábært framtak til þess að efla atvinnustarfsemi hér og gera enn fjölbreyttari.

Fréttabréf nóvember er komið út

Nóvember Fréttabréfið er komið  út  Lesa hér  Stútfullt af hinum ýmsu fréttum og aulgýsingum. Kveðjuhóf til heiðurs læknunum Gylfa og Pétri, augl. bls.4  - 35. fundargerð sveitarstjórnar bls. 18 og pistill sveitarstjóra bls. 28.  svo eitthvað sé nefnt.

Lífsgæði í Skeiða - og Gnúpverjahreppi

 Myndband um lífið í Skeiða- og Gnúpverjahreppi var gert á dögunum sem hægt er að spila hér.   Og nú er það í fullum gæðum. Sjón er sögu ríkari.  Verið velkomin til búsetu hjá okkur.  Í Árnesi eru 12 einbýlishúsalóðir lausar og þrjár parhúsalóðir og þrjár parhúsalóðir eru  lausar á  Brautarholti. Góðir skólar eru í sveitarfélaginu, grunnskóli upp í 7. bekk og gjaldfrjáls leikskóli,  tvær sundlaugar, blómlegt mannlíf og mikil náttúrufegurð.

Hugmyndasmiðja til atvinnuuppbyggingar í sveitarfélaginu

Langar þig að leggja þitt að mörkum til atvinnuuppbyggingar í Skeiða- og Gnúpverjahreppi?Langar þig, eða einhver sem þú þekkir, að búa til atvinnutækifæri sem gera þér og þínum kleift að búa í sveitinni? Sérð þú ónýtt atvinnutækifæri í kringum þig sem þú vilt koma á framfæri? Gengur þú jafnvel með viðskiptahugmynd í maganum?

„Allt er breytingum háð“

Fjölsóttasta ferðamannasvæði landsins - þróun á tímum örra breytinga. Málþing um ferðaþjónustu í Uppsveitum Árnessýslu, verður haldið í Golfskálanum á Efra-Seli, Hrunamannahreppi (Flúðum)
fimmtudaginn 17. nóvember kl. 13:00-16:00.

Frummælendur verða  
Einar Á.E. Sæmundsen fræðslufulltrúi Þjóðgarðsins á Þingvöllum
og Ásborg Arnþórsdóttir ferðamálafulltrúi Uppsveita Árnessýslu.
Einnig verða sagðar reynslusögur fyrirtækja á svæðinu
og almennar umræður.

Ekkert stendur í stað, vöxtur í ferðaþjónustu hefur breytt starfsumhverfi fyrirtækja
og býður upp á fjölbreytt ný viðfangsefni og áskoranir
Allir velkomnir

Foreldradagurinn á Grand Hótel 9. nóvember kl. 8:15 - 10

Sorpþjónusta í Skeiða- og Gnúpverjahreppi. Útboð og undirritun samnings.

Skeiða- og Gnúpverjahreppur bauð út sorpþjónustu fyrir árin 2016-2020 fyrir skömmu. Tveir aðilar sendu inn tilboð í verkefnið. Gámaþjónustan og Íslenska gámafélagið. Síðarnefndi aðilinn bauð lægra verð eða rétt liðlega 93 milljónir króna. Kostnaðaráætlun var um þremur milljónum hærri. Gámaþjónustan bauð ríflega 4 milljónum hærra en kostnaðaráætlun hljóðaði upp á.  Gengið var til samninga við Íslenska Gámafélagið. En félagið hefur annast sorpþjónustu fyrir sveitarfélagið síðan 2009.  Mikil áhersla hefur verið lögð á flokkun sorps í sveitarfélaginu síðustu árin. Farnar hafa verið nokkuð frumlegar leiðir með afsetningu á lífrænum úrgangi. Hann er að mestu jarðgerður innan sveitarfélagsins. Sveitarfélagið rekur tvo gámsvæði. Annað við Brautarholt og hitt við þéttbýlið við Árnes. Samningur um sorpþjónustuna var undirritaður í Árnesi mánudaginn 7 nóvember.

Leikskólann Leikholt vantar starfsmann í 57% stöðu

Leikskólinn Leikholt óskar eftir að ráða starfsmann í 57% stöðu í afleysingar. Æskilegt er að viðkomandi geti hafið störf sem fyrst eða eftir samkomulagi.  Leitað er að metnaðarfullum einstaklingi sem er tilbúinn til að taka þátt og leiða áfram gott faglegt starf í skólanum.

Menntun og hæfniskröfur:

Meginverkefni: