Frá sóknarnefnd Stóra-Núpskirkju

Aftansöngur var í Stóra-Núpskirkju á gamlársdag 31. desember  kl. 16:30. Sr. Óskar H. Óskarsson, sóknarprestur prédikaði, Kirkjukór Stóra-Núpskirkju söng undir stjórn organistans Þorbjargar  Jóhannsdóttur.  Þetta var síðasta athöfn í kirkjunni þar til á páskadag 5. apríl  2015  þar sem eftir áramótin hefjast viðhaldsframkvæmdir við kirkjuna.

Opnunartímar skrifstofu um áramótin 2014-2015

Opið mánudaginn  5. janúar 2015  eins og venjulega frá kl. 09-12  og 13-15 og eftir það alla virka daga opið kl.  09-12 og 13-15 og  föstudaga 09-12.  Starfsfólk skrifstofu Skeiða- og Gnúpverjahrepps óskar íbúum og öðrum viðskiptavinum og samstarfsfólki  farsældar á nýju ári með þökk fyrir árið sem er að líða
 

Gamli vefur Skeiða-og Gnúpverjahrepps

Oft kemur upp sú staða að fólk vill skoða gamlar vefsíður. Landsbókasafn Íslands heldur ágætlega utanum gamla vefi á vefsíðunni vefsafn.is, en  hér má einmitt fara inn  á gamla vef Skeiða og Gnúpverjahrepps.  Mikið af efni er á gömlu heimasíðunni  sem ekki er inni á nýju síðunni.  En bráðlega mun þó allt efni verða sett inn á nýju vefsíðuna.

Umsóknir og úthlutanir úr Sjóðnum góða

Tekið verður við umsóknum um styrki úr Sjóðnum góða í Selinu við Engjaveg  (við hliðina á íþróttavelli) eftirtalda daga: Þriðjudaginn 2. des. frá kl. 10-14. Miðvikudagur 3. des frá kl. 10-14.Prestar í Árnessýslu, utan Selfoss, taka einnig við umsóknum og koma áfram til Sjóðsins. Umsækjendur þurfa að leggja fram gögn um mánaðarlegar tekjur (vinnulaun, tekjur frá TR, fæðingarorlof, barnabætur, atvinnuleysisbætur) og gjöld (leiga/afborgun af húsnæði, rafmagn og hiti, sími og net, útgjöld v. barna, bíll, tryggingar...).  Úthlutað verður úr sjóðnum  18 og 19 desember. Sjóðurinn góði.

Grænfáninn afhentur Þjórsárskóla í sjötta sinn

Þjórsárskóli fékk í dag 25. nóvember Grænfánann afhentan í sjötta sinn. Það er viðurkenning sem Landvernd veitir fyrir góða frammistöðu í umhverfisvernd. Samhliða því var undirritaður samningur milli skólans og  Skógræktar ríksins um samstarf til næstu þriggja ára. Af þessu tilefni héldu nemendur og starfsfólk skólans hátíð.  Skólar á grænni grein eða  Grænfánaverkefnið er alþjóðlegt verkefni sem hefur þann tilgang að auka umhverfismennt nemenda og styrkja umhverfisstefnu í skólum landsins. Verkefninu er stýrt hér á landi af Landvernd. Þegar skólar hafa uppfyllt viss skilyrði er þeim heimilt að flagga Grænfánanum í tvö ár eftir það. Ef skólar viðhalda góðu starfi á sviði umhverfismála áfram fá þeir endurnýjað leyfi til að flagga fánanum. Víða í Evrópu er Grænfáninn virtur sem tákn um umhverfisstefnu og árangursríka fræðslu á því sviði.

Stígagerð við Hjálparfoss

Að undanförnu hafa staðið yfir framkvæmdir við byggingu veglegra gangstíga og útsýnispalla við Hjálparfoss í Þjórsárdal. Því verki er nú lokið og er umhverfið við fossinn nú mun betur undir gestagang búið en áður. Það er mál manna að vel hafi til tekist. Það er byggingafyrirtækið Þrándarholt sf sem hefur annast framkvæmdirnar undir stjórn Arnórs Hans Þrándarsonar húsasmiðs. Hönnuðir stíganna voru arkitektarnir Eyrún Þórðardóttir, María Gunnarsdóttir og Gísli Gíslason.

Fréttabréf nóvember 2014

 Nú er Fréttabréfið  fyrir nóvember komið hingað á vefinn og heilmikið að lesa hér. Fréttabréfið kom út Fréttabréf nóvember 2014. Þar má að vanda finna margs konar efni, upplýsingar og auglýsingar sem tengjastg sveitarfélaginu og okkar nánasta umhverfi.

Eilífðarvélin alaskaösp. - Spennandi tilraun í Sandlækjarmýri

Ljóst þykir að íslenskur iðnviðarskógur með alaskaösp geti endurnýjast sjálfkrafa eftir rjóðurfellingu þannig að óþarft sé að gróðursetja aftur í skóginn. Ef öspin reynist vera slík „eilífðarvél“ í ræktun hérlendis eykur það til muna hagkvæmni asparskógræktar til framleiðslu viðarkurls. Mikil spurn er eftir viðarkurli hjá kísilmálmiðnaðinum og útlit fyrir að hún aukist mjög á næstu árum. Nú er verið að rjóðurfella hartnær aldarfjórðungs gamla ösp í Sandlækjarmýri í Skeiða- og Gnúpverjahreppi til að rannsaka hvernig hún endurnýjast upp af rót. Ræktun asparskógarins í Sandlækjarmýri hófst í byrjun tíunda áratugarins en þá höfðu Íslendingar litla reynslu af skógrækt með þessari tegund utan garða og trjálunda. Margir af eldri kynslóð skógræktarmanna voru afar svartsýnir og töldu að ösp gæti aðeins tórt með mikill umhyggju og stöðugri áburðargjöf. Engu að síður var ráðist í að gera áætlanir um trjávöxt á þessum stað fyrir iðnviðarverkefni. Allt virðist benda til þess að þessar áætlanir hafi fyllilega staðist tímans tönn og jafnvel gott betur. Skógurinn er líka mjög gróskumikill eins og vegfarendur geta séð sem aka Skeiðaveg í átt að Flúðum skömmu áður en kemur að brúnni yfir Stóru-Laxá eða Þjórsárdalsveg til austurs af Skeiðavegi.

Landnámsdagur 14. júní 2014

Haldinn var landnámsdagur í Skeiða - og Gnúpverjahreppi í dag 14 júní.

Dagskráin hófst við minnismerkið að Áshildarmýri, Þar fór fram afhending svæðisins þar sem þinghaldið fór fram á árum áðum. Það var  Árnesingafélagið sem afhendti svæðið til Héraðsnefndar Árnessýslu, Opið hús var í Þrándarholti og Mön. Í Þjóðveldisbænum var mikil dagskrá, Víkingaslagur, sögustund, hljóðfæraleikur, kjötsúpa, örmessur og fleira.  Skilti um Ferjustaðinn í Þjórsárholti var afhjúpað í Þjórsárstofu.