63. sveitarstjórnarfundi Skeiða og Gnúpverjahrepps frestað

63. fundi sveitarstjórnar Skeiða og Gnúpverjahrepps sem halda átti miðvikudaginn 2. júní hefur verið frestað um viku eða til miðvikudagsins 9. júní nk. 

Vorhreingerning í Skeiða og Gnúpverjahrepp

Eins og undanfarin ár hvetur sveitarfélagið til hreinsunarátaks í byrjun sumars. Frá 1 júní og til 19. júní verður ekki tekið gjald fyrir afsetningu á flokkuðu sorpi á gámasvæðum sveitarfélagsins. Við hvetjum alla í Skeiða -og Gnúpverjahrepp til að taka til hendinni, ganga meðfram vegum eins og hver og einn treystir sér og hreinsa og fegra umhverfið.  

Framúrskarandi árangur í Stóru upplestrarkeppninni

Þjórsárskóli átti tvo nemendur í stóru upplestrarkeppninni; þá Eyþór Inga og Véstein og unnu þeir 1. og 3. sætið í kepnninni sem fram fór þriðjudaginn 25. maí sl. Þátttakendur í Stóru upplestrarkeppninni eru nemenda í Þjórsárskóla, Flúðaskóla, Flóaskóla og Bláskógaskóla í Reykholti og Laugarvatni. Tveir nemendur 7. bekkjar úr hverjum skóla tóku þátt í keppninni. Þar var Eyþór Ingi sem lenti í 1. Sæti og Vésteinn sem lenti í 3. sæti.

Rof á ljósleiðarasambandi milli Árness og Brautarholts

Um þessar mundir er unnið að uppfærslu búnaðar við ljósleiðara í Árnesi og Brautarholti. Sú uppfærsla gerir Vodafone kleift að bjóða notendum 1Gb ljósleiðaratengingar en núverandi búnaður býður aðeins upp á 100 MB tengingar. 

62. fundur sveitarstjórnar 19. maí 2021

62. Sveitarstjórnarfundur

Fundarboð

Boðað er til fundar í sveitarstjórn Skeiða og Gnúpverjarhrepps

í Árnesi 19. maí 2021 kl. 16.00

Dagskrá

Fundargerðir til kynningar:

Mál til kynningar:

Fundir framundan

Gaukur maímánaðar

Maí Gaukurinn er loksins tilbúinn og má finna hér

Lumar þú á pistli, hugvekju, auglýsingu eða skemmtilegum upplýsingum?

Stefnt er að útgáfu maí tölublaðs Gauksins föstudaginn 15. maí. Ef þið lumið á efni sem þarf að komast í blaðið má gjarnan koma því til þjónustufulltrúans fyrir fimmtudaginn 14. maí á netfangið hronn@skeidgnup.is

Breyttur tími á sundleikfimi eldri borgara

Ákveðið hefur verið að breyta tímasetningum á sundleikfimi eldri borgara. Tímarnir sem hingað til hafa verið á fimmtudögum hafa verið færðir yfir á mánudaga kl. 16.30 og verða áfram í Skeiðalaug. Fyrsti mánudagstíminn er í dag mánudaginn 10. maí og svo næstu tvo mánudaga eftir það (síðasti mánudaginn 31. maí)

Óvissustigi almannavarna lýst yfir vegna hættu á gróðureldum

„Ríkislögreglustjóri, í samráði við lögreglustjóra og slökkviliðsstjóra á Vesturlandi, Höfuðborgarsvæðinu, Suðurnesjum og Suðurlandi hafa ákveðið að lýsa yfir óvissustigi almannavarna vegna hættu á gróðureldum.

Svæðið sem um er að ræða nær frá Eyjafjöllum að sunnanverðu Snæfellsnesi. Þessi ákvörðun er byggð á því að lítið hefur rignt þessu svæði undanfarið og veðurspá næstu daga sýnir heldur ekki neina úrkomu af ráði.

Minnum á umsóknarfrest um starf í vinnuskóla Sveitarfélagsins

Ungmennum með lögheimili í Skeiða- og Gnúpverjahreppi fædd 2006 og 2007 gefst kostur á að starfa í Vinnuskóla sveitarfélagins í sumar.   Vinnuskólinn hefst 7. júní og stendur í um það bil 9 vikur eða til og með 5. Ágúst.  Unnið verður fjóra daga í hverri viku, mánud.—fimmtud. Kl. 08:00 - 14:00. Skylt er þó að taka frí eina viku á tímabilinu.   Hámarksfjöldi vinnufólks í einu er átta. Ef fjöldi vinnufólks verður meiri, verður starfstíminn skipulagður með það í huga. Í ágúst gefst þeim kostur sem hafa áhuga, að vinna eftir samkomulagi.  Heitur matur er framreiddur í hádeginu en koma þarf með nesti í kaffitíma fyrir hádegi. Umsóknarfrestur er til 15. maí. Skráning fer fram hjá Hrönn Jónsdóttur á skrifstofu, netfang hronn@skeidgnup.is sími 486-6100