Sprikl fyrir alla í Brautarholti - námskeið á næstunni

Elin Moqvist á Húsatóftum hefur undanfarið boðið uppá svokallað sprikl í Brautarholti -almenna líkamsræktar tíma sem ættu að henta öllum. Framundan eru nokkur ný námskeið og má sjá tímasetningar á þeim hér fyrir neðan:

     - Þriðjudaginn 5. október og fimmtudaginn 7. október verða prufutímar í sprikli í boði fyrir karla – unga sem aldna . Tíminn byrjar kl. 20.10 – 21.00 og verður í salnum í Brautarholti.

Sundleikfimi eldri borgara

Eyþór sundlaugarvörður vill minna á að sundleikfimi eldri borgara byrjar í Skeiðalaug í dag kl. 16.30 - hvetjum alla eldri borgara í Skeiða- og Gnúpverjahrepp til að mæta.

Aðstoðarmatráð vantar í mötuneyti Flúðaskóla

Um er að ræða 70% starfshlutfall. Æskilegt er að viðkomandi geti hafið störf sem fyrst.

Laun samkvæmt kjarasamningi launanefndar sveitarfélaga og Bárunnar. Umsóknarfrestur er til og með 12. október.

Upplýsingar veitir Jóhanna Lilja Arnardóttir skólastjóri, johannalilja@fludaskoli.is.

Kjörsókn í Skeiða- og Gnúpverjahrepp

Kjörfundi í  alþingiskosningum 25. september í Skeiða- og Gnúpverjahrepp lauk kl. 22.00.
Kjörsókn var 70 % á kjörstað og 14% kusu utan kjörfundar. Samtals kjörsókn er því 84,2%
 
412 voru á kjörskrá.
 

Opnað hefur verið fyrir umsóknir í uppbyggingarsjóð Suðurlands

Opnað hefur verið fyrir umsóknir í Uppbyggingarsjóð Suðurlands, um er að ræða haustúthlutun 2021. Sjóðurinn hefur það hlutverk að veita verkefnastyrki á sviði atvinnuþróunar og nýsköpunar og menningar á Suðurlandi. Í flokki atvinnuþróunar og nýsköpunar eru það atvinnuskapandi og/eða framleiðniaukandi verkefni sem eiga kost á stuðningi ásamt nýsköpunarverkefnum sem efla fjölbreytileyka atvinnulífs. Í flokki menningar er markmið að verkefni efli menningarstarfsemi og listsköpun á Suðurlandi.

Kvenfélag Skeiðahrepps gaf Leikholti veglega gjöf

Kvenfélag Skeiðahrepps færði leikskólanum Leikholti eldstæði og fullt af fylgihlutum að gjöf þann 8. september sl.

Nú verður leikur einn hjá þeim að njóta enn frekar útiveru og skemmtilegra stunda þar sem hægt er að kveikja eld og baka lummur, poppa, hita kakó eða elda hádegismatinn úti. Meðfylgjandi eru myndir af krökkunum í Leikholti að prufa eldhúsið.

Af gatnagerðagjöldum -eða sköttum

- Pistill sveitarstjóra úr Gauknum -

Á fundi sveitarstjórnar 11. ágúst sl. var tekinn fyrir úrskurður Samgöngu- og sveitarstjórnaráðuneytisins vegna álagningar gatnagerðargjalda í Skeiða- og Gnúpverjahreppi.

Mig langar aðeins til að útskýra í stuttu máli hvað fólst í úrskurðinum og þá niðurstöðu sem sveitarstjórn komst að.

Nýr Gaukur - fullur af fréttum

Þá er kominn Gaukur septembermánaðar - hann má finna hér

Starfsfólk óskast í Félagsmiðstöðina Zero

Félagsmiðstöðin Zero óskar eftir starfsfólki til að starfa með forstöðumanni á fimmtudagskvöldum þegar að félagsmiðstöðin er opin.       

Umsækjandi verður að vera orðin 18 ára og sýna jákvæðni, sveigjanleika og lipurð í samskiptum. Virk þátttaka ungmenna í félagsstarfi er til þess   fallin að auka félagslega hæfni, þroska og jákvæða sjálfsmynd þeirra. Því er mikilvægt að starfsfólk geti skapað andrúmsloft þar sem allir séu boðnir velkomnir í félagsmiðstöðvastarfið á eigin forsendum.

Kjörskrá og kjörfundur vegna alþingiskosninga 25. september 2021

Frá sveitarstjóra Skeiða- og Gnúpverjahrepps:

Kjörskrá Skeiða- og Gnúpverjahrepps vegna Alþingiskosninga 25. september 2021 mun liggja frammi á skrifstofu Skeiða- og Gnúpverjahrepps frá 15. september nk.  Skrifstofan er sem áður opin frá 9 - 12 alla virka daga og á milli 13-14 mánudaga - fimmtudaga.