Kaldavatnslaust verður frá kl. 10 í Árnesveitu og eitthvað fram eftir degi.

Því miður verður kaldavatnslaust frá Árnesveitu kl. 10 í dag  og eitthvað fram eftir degi. Unnið er við tengingar á stofnæð og beðist er velvirðingar á þeim óþægindum sem þetta kann að valda, en þessi aðgerð er óhjákvæmileg og tekur  vonandi fljótt af.

Fyrsta fasa viðgerð Áfangastaðaáætlunar Suðurlands lokið

Áfangastaðaáætlun Suðurlands er unnin með því markmiði að sameina hagaðila í ferðaþjónustu, móta framtíðarsýn fyrir svæðið í heild sinni og stefnu til að ná henni. Áfangastaðaáætlun er tækifæri fyrir sveitarfélög, ferðamálasamtök, ferðaþjónustufyrirtæki og aðra hagaðila í ferðaþjónustu til að fara fram sameiginlega og í samstarfi til næstu ára og byggja þannig ofan á þá vinnu sem þegar hefur átt sér stað við gerð áfangastaðaáætlunar. 

Skólaslit í Þjórsárskóla

Þjórsárskóla var slitið í dag 31 maí í félagsheimilinu Árnesi. Í ræðu skólastjóra Bolette Hoeg Koch kom fram að skólastarfið hefur gengið vel á skólaárinu, en 47 nemendur hafa stundað nám við skólann í vetur og verða að öllum líkindum jafnmargir næsta vetur. Kennsla fer fram í 1-7 bekk í skólanum. Nemendum hefur heldur fjölgað á síðustu árum. Við skólaslitin söng allur nemendahópurinn nokkur lög undir stjórn Guðmundar Pálssonar tónlistarkennara.

Grunnskólakennara vantar til starfa í Þjórsárskóla

Laus staða kennara í  Þjórsárskóla.
100% staða í afleysingum til eins árs.
Kennslugreinar eru stærðfræði, náttúrufræði, enska og danska í 6.-7. Bekkur í samkennslu.
Umsóknarfrestur til 12. júní 2018.

Nánari upplýsingar veitir Bolette Höeg Koch skólastjóri sími 895 9660 netfang : bolette@thjorsarskoli.is

Íbúðarhúsnæði óskast fyrir starfsmann

Skeiða- og Gnúpverjahreppur óskar eftir íbúðarhúsnæði til leigu fyrir starfsmann veturinn 2018-2019. Frá 20. ágúst til 1.  júní 2019.

Nánari upplýsingar veitir sveitarstjóri í síma 486-6100 netfang kristofer(hja)skeidgnup.is

Kjörstaður í Félagsheimilinu Árnesi opinn 26. maí kl.10 - 22

Sveitarstjórnarkosningar í Skeiða- og Gnúpverjahreppi fara fram laugardaginn 26. maí 2018.
Kosið verður í Félagsheimilinu Árnesi. Kjörfundur hefst kl. 10.00 og lýkur kl. 22.00.
Kjósendur eru minntir á að hafa meðferðis persónuskilríki með mynd ogframvísa ef óskað er.
Atkvæði verða talin á sama stað, strax að kjörfundi loknum.

Have an effect on your local community on 26 May.

Have an effect on your local community by voting in the municipal elections on 26 May.
We are fortunate to be able to vote - let’s use our voting rights.
Remember to vote in the municipal elections on 26 May in Árnes. 

Pólska

Miej wpływ na swoją lokalną społeczność i weź udział w wyborach samorządowych dnia 26 maja br.

Framboðsfundur allra framboða í Brautarholti 22. maí kl. 20:00

Framboðsfundur í Brautarholti, Þriðjudaginn 22. maí kl. 20:00. Þar gefst kjósendum kostur á að hlusta á stefnur listanna og spyrja frambjóðendur nánar út í áherslur. 

Þrír listar bjóða fram til sveitarstjórnarkosninga í Skeiða- og Gnúpverjahreppi  þann 26. maí  2018. Þeir eru:  

Íbúar beðnir um að láta vita á skrifstofu ef vantar að bora fyrir turni

Borað verður fyrir turnum fyrir lífrænan úrgang  á næstu dögum. Góðfúslega látið  vita hér á skrifstofunni ef  þessa þjónustu vantar. Annað hvort í síma 486-6100  eða á kidda@skeidgnup.is

Skapandi starf fyrir alla í Þjórsárskóla 23. maí kl. 15:30

Okkur langar að bjóða ykkur að koma í Þjórsárskóla miðvikudaginn 23. maí kl. 15.30 og taka þátt í skapandi starfi með fjölbreyttu skógarefni. Ólafur Oddsson kemur til okkar og sér um kennsluna sem er hugsuð til þess að kynna fyrir íbúum það sem við erum að kenna börnunum.  Við munum búa til nytjahluti og skrautmuni.