Skóla- og velferðarþjónusta Árnesþings

Skóla- og velferðarþjónusta Árnesþings bs.

 

Skóla- og velferðarþjónusta Árnesþings (SVÁ) er fagleg og samþætt þjónusta með velferð íbúa að leiðarljósi.

Megin starfsstöð þjónustunnar er staðsett í Heilsugæslunni á Flúðum en starfssvæðið er víðfeðmt og fara starfsmenn á milli starfsstöðva á þjónustusvæðinu í samræmi við verkefni hverju sinni.

Skrifstofa er opin mánudaga - fimmtudaga kl. 9.00 - 15.00 og föstudaga kl. 9.00 - 12.00.

 

Heimasíða Skóla- og Velferðarþjónustu Árnesþings 

 

 

 

Félagsþjónusta sveitarfélaga

Markmið félagsþjónustu sveitarfélaga er að tryggja fjárhagslegt og félagslegt öryggi og stuðla að velferð íbúa á grundvelli samhjálpar. Það er gert m.a. með því að bæta lífskjör þeirra sem standa höllum fæti og tryggja þroskavænleg uppeldisskilyrði barna og ungmenna

Aðstoð er veitt til þess að íbúar geti búið sem lengst í heimahúsum, stundað atvinnu og lifað sem eðlilegastu lífi. Félagsþjónustan grípur til aðgerða til að koma í veg fyrir félagsleg vandamál. Í allri framkvæmd félagsþjónustunnar er áhersla lögð á að hvetja einstaklinga til ábyrgðar á sjálfum sér og öðrum, virða sjálfsákvörðunarrétt þeirra og styrkja til sjálfshjálpar.

Verkefni félagsþjónustu eru fjölþætt og ná til ýmsa þátta s.s. barnaverndar, málefna fatlaðs fólks, félagslegrar ráðgjafar, fjárhagsaðstoðar, forvarna, húsnæðismála, sérstaks húsnæðisstuðnings og málefna fólks með annað ríkisfang.

Velferðarþjónustan starfar í umboði fagnefndar SVÁ og samkvæmt stofnanasamning SVÁ. Velferðarþjónustan starfar á grundvelli eftirfarandi laga:

laga um félagsþjónustu sveitarfélaga nr. 40/1991 með síðari breytingum,
laga um þjónustu við fatlað fólk með langvarandi stuðningsþarfir nr. 38/2018,
laga um málefni aldraðra nr. 125/1999
barnaverndarlaga nr. 80/2002,
lög um samþætta þjónustu í þágu farsældar barna nr. 22/2021 og viðeigandi reglugerða.

 

Markmið og gildi Skóla- og velferðarþjónustu

Markmið SVÁ er að:

  • Vera leiðandi á landsvísu með framúrskarandi þjónustu sem mætir þörfum íbúa til bættra lífsgæða
  • Veita markvissa og faglega skóla- og velferðarþjónustu til þess að tryggja farsæld barna og fjölskyldna
  • Tryggja skilvirka og góða þjónustu með fjölbreyttum leiðum
  • Vinna markvisst forvarnarstarf sem stuðlar að vellíðan íbúa með ráðgjöf og stuðningi.
  • Vinna að þróun margbreytilegra úrræða með áherslu á snemmtæka íhlutun

Gildi SVÁ

Samvinna
Virðing
Áreiðanleiki

Haustið 2013 hófu sjö sveitarfélög samvinnu um sérfræðiþjónustu í skólum á svæðinu en það voru sveitarfélögin Bláskógabyggð, Flóahreppur, Grímsnes- og Grafningshreppur, Hrunamannahreppur, Hveragerðisbær, Skeiða- og Gnúpverjahreppur og Sveitarfélagið Ölfus.

Haustið 2022 var tekin ákvörðun um breytingu á byggðasamlaginu og gengu Hveragerðisbær og Sveitarfélagið Ölfus út úr byggðasamlaginu. Frá og með 1. mars 2023 starfa fimm sveitarfélög saman að sameiginlegri skóla- og velferðarþjónustu fyrir svæðið.

Heimasíður sveitarfélaganna:

Bláskógabyggð
Flóahreppur
Grímsnes- og Grafningshreppur
Hrunamannahreppur
Skeiða- og Gnúpverjahreppur

Bergrisinn - Byggðasamlag um málefni fatlaðs fólks

Sveitarfélögin Hveragerðisbær, Sveitarfélagið Ölfus, Grímsnes- og Grafningshreppur, Sveitarfélagið Árborg, Flóahreppur, Bláskógabyggð, Hrunamannahreppur, Skeiða- og Gnúpverjahreppur, Ásahreppur, Rangárþing ytra, Rangárþing eystra, Skaftárhreppur og Mýrdalshreppur reka byggðasamlagið Bergrisinn bs. um málefni fatlaðs fólks.

Aðildarsveitarfélögin fela byggðasamlaginu skipulag og framkvæmd þjónustu við fatlað fólk, sem á lögheimili í aðildarsveitarfélögunum, í samræmi við lög nr. 59/19992 um málefni fatlaðs fólks, með síðari breytingum.

Hlutverk byggðasamlagsins er að útfæra þjónustunar, fjárhagslegri og faglegri umgjörð hennar er nánar lýst í samþykktum Bergrisans bs.

Bergrisinn er ekki með eiginlega heimasíðu en hér fyrir neðan má finna helstu gögn og reglur Bergrisans: