Fréttir

Lagt verður upp í sandleit miðvikudaginn 1. september og í eftirsafn miðvikudaginn 15. september. Fjalldrottning er Lilja Loftsdóttir í fjallsafni og foringi í eftirsafni Arnór Hans Þrándarson. Fjallskilasjóður sér fyrir mat og heyi í allar leitir. 

Skaftholtsréttir eru föstudaginn 10. september og verður safnið rekið inn kl.11.00 - Eftir að búið er að draga fyrsta innrekstur verður gert 30 mínútna kaffihlé og næsti rekstur rekinn inn eftir það.

Heilbrigðiseftirlit Suðurlands hefur gefið út tímabundið starfsleyfi til hreinsunar og niðurrifs asbests í íbúðarhúsi í Breiðanesi, Skeiða og Gnúpverjahrepp. Starfsleyfið gildir frá 20. september - 20. október 2021. Athugasemdir við starfsleyfið þurfa að berast fyrir 15. september 2021

Starfsleyfið sem nú er auglýst má finna hér

Boðað er til 66. fundar sveitarstjórnar miðvikudaginn 25. ágúst 2021 kl. 14.00 í Árnesi

Dagskrá

Mál til umræðu

1. Leikskólavist utan lögheimilis

2. Umsókn um námsvist utan lögheimilissveitarfélags

3. Samþykki um gatnagerðargjöld í þéttbýli Skeiða- og Gnúpverjahrepps

Þá er loksins kominn út Gaukur ágústmánaðar, litlu seinna en stefnt var að í upphafi, vonum að það komi ekki að sök. Hann má finna hér

Góða helgi

Laust er 70% starf skólaliða við Þjórsárskóla í Árnesi.

Helstu verkefni og ábyrgð skólaliða:

Umsóknarfrestur er til 13. ágúst

Nánari upplýsingar veitir Bolette Höeg Koch skólastjóri sími 895 9660 netfang : bolette@thjorsarskoli.is

Þeir sem ætla að sækja um leit á Gnúpverjaafrétti í haust hafi samband við Lilju í síma 847-8162 fyrir 19. ágúst næstkomandi.

Breytt fyrirkomulag verður á eftirsafni í ár. Farið verður af stað miðvikudaginn 15. september og komið heim sunnudaginn 19. september. Möguleg seinkun verður á eftirsafni ef veður verður óhagstætt.

Á mánudaginn síðastliðinn opnaði skrifstofa sveitarfélagsins eftir þriggja vikna lokun v. sumarfría. Opnunartími skrifstofunnar er eins og áður 9-12 og 13-14 mánudaga - fimmtudaga og 9-12 á föstudögum. 

Stefnt er að útgáfu rafræna fréttabréfsins Gauksins í kringum 10. ágúst - ef fólk lumar á efni í Gaukinn má senda það á hronn@skeidgnup.is

Eftir föstudaginn 2. júlí verður skrifstofa Skeiða- og Gnúpverjahrepps lokuð í þrjár vikur og opnar aftur kl.8 mánudaginn 26. júlí.  Bent er á að hægt er að hafa samband við Björn Axel, starfsmann áhaldahúss, í síma 893 4426. Ef erindi eru brýn er hægt að hafa samband við oddvita í síma 895 8432.  Næsti fundur sveitarstjórnar er á dagskrá miðvikudaginn 11. ágúst.  Vanti upplýsingar eða þjónustu við fjallaskála sveitarfélagsins (Gljúfurleit, Bjarnalækjarbotna eða Tjarnarver) má hafa samband við Gylfa í síma 8691118.

Framkvæmdum við smíði nýrrar göngu-, hjóla- og reiðbrúar yfir Þjórsá, ofan Þjófafoss hefur miðað vel. Verkefnið er hluti mótvægisaðgerða vegna stækkunar Búrfellsstöðvar samkvæmt samkomulagi við sveitarfélag Skeiða- og Gnúpverjahrepps. Um er að ræða 102 metra langa stálbitabrú með timburgólfi úr íslensku sitkagreni sem aflað var í samstarfi við Skógrækt ríkisins og Límtré Vírnet. Framkvæmdir við brúarsmíði hófust um miðjan október síðastliðinn og nú hefur sá merki áfangi náðst að brúarsmíðinni sjálfri er lokið og hægt að heimila umferð gangandi og hjólandi yfir brúna. Enn um sinn verður lokað fyrir umferð hestamanna um brúna, á meðan unnið er að aðgerðum innan virkjunarsvæðis Búrfellsstöðva, þar sem ætlunin er að halda opinni leið fyrir hestamenn um Sámsstaðamúla. Vonir standa til að hægt verði að ljúka þeim framkvæmdum síðsumars og í framhaldinu taka brúna að fullu í notkun.

Auglýsing frá Heilsugæslunni í Laugarási um opinn bólusetningardag

Sjá hér fyrir neðan