Íbúar 67 ára og eldri

Maður er ekki gamall fyrr en eftirsjá kemur í stað drauma

 

Í Skeiða- og Gnúpverjahreppi er lögð mikil áhersla á félagslega og líkamlega heilsu eldriborgara. Gott samstarf hefur verið á milli sveitarfélagsins og Félags eldriborgara í Skeiða- og Gnúpverjahreppi varðandi reglulegt félagsstarf og annað sem sveitarfélagið getur komið að. 

Eldri borgarar í Skeiða- og Gnúpverjahreppi fá til að mynda frítt í sundlaugar og líkamsræktarstöðvar sveitarfélagsins. Til að fá þann aðgang þarf að gefa sig fram við starfsfólk í sundlaugum sveitarfélagsins eða hafa samband við forstöðumann sundlauga, Viktoríu Rós Guðmundsdóttur viktoriaros@skeidgnup.is

Félag eldriborgara í Skeiða- og Gnúpverjahreppi

Félagið er opið öllum, miðað er við 60+ en sé áhugi á að byrja fyrir þann aldur er engum vísað frá.

Formaður félagsins er Bergljót Þorsteinsdóttir og er um að gera að hafa samband við hana í síma: 864 5534

Félagið stendur annan hvern þriðjudag fyrir kaffispjalli kl. 13.30 í gamla bókasafnshúsinu í Brautarholti. Haustið 2026 er síðasta kaffispjallið áætlað þann 8. desember en hefst svo aftur í janúar. Stundum eru þessir fundir brotnir upp með áhugaverðum heimsóknum og fyrirlestrum. 

Dagskrá kaffifunda ásamt annarri skemmtidagskrá og viðburðum félagsins má finna á facebook síðu félagsins:

Líkamsrækt eldri borgara

Á veturna er boðið upp á hreystitíma tvisvar í viku í líkamsræktinni í Skeiðalaug. Tímarnir eru á þriðjudögum og fimmtudögum kl. 10 - 11 og þarf bara að mæta á staðinn til að vera með. Hreystitímarnir eru í boði Skeiða- og Gnúpverjahrepps og eru því gjaldfrjálsir fyrir eldri borgara sveitarfélagsins. 

Á veturna hefur oft einnig verið boðið upp á sundleikfimi fyrir eldri borgara en upplýsingar um það er að finna hjá félagi Eldri borgara í SkeiðGnúp

Félagsleg aðstoð, matur og fleira 

Allt sem viðkemur formlegri aðstoð eins og heimaþjónusta við aldraða, félagslegur persónulegur stuðningur og niðurgreiðslur á heitum mat fer í gegnum Skóla og Velferðarþjónustu Árnesþings. Allar upplýsingar um þá þjónustu má finna á heimasíðu velferðarþjónustunnar: www.arnesthing.is

Hagnýtar upplýsingar af island.is

Á heimasíðunni island.is er að finna yfirgripsmikla samantekt upplýsinga sem gagnast geta eldri borgurum, upplýsingar um heilsueflingu, búsetu, réttindi og þjónustu við eldra fólk. Smelltu hér til að komast á upplýsingasíðu island.is um efri árin. 

Hagnýtar upplýsingar af heilsuveru

Heilsuvera.is er opinber upplýsingavefur sem unninn hefur verið í samstarfi Embættis landslæknis, Landspítalans og heilsugæslu höfuðborgarsvæðisins.  Þar má finna gríðarlega mikið af upplýsingum um andlega, líkamlega og félagslega heilsu og eru upplýsingarnar unnar af fagaðilum. Smelltu hér til að komast á upplýsingavef Heilsuveru um heilsu 60 ára og eldri.