Fréttir

Viðhorfskönnun um áhrif Hvammsvirkjunar á landslag og ásýnd að ljúka.  Í samræmi við ákvörðun Skipulagsstofnunar um að endurskoða skuli umhverfismat virkjunarinnar hvað varðar áhrif á landslag og ásýnd lands og áhrif á ferðaþjónustu og útivist var farið í viðbótarrannsóknir um viðhorf íbúa og sumarhúsaeigenda vegna þessara umhverfisþátta.  Dagana 13. til 15.júlí og 20.júlí var könnun framkvæmd og var hún gerð innan  5 km radíus frá framkvæmdarsvæði. Tveir starfsmenn frá EFLU verkfræðistofu heimsóttu bæi og bústaði innan þessa fyrirfram skilgreinda svæðis, útskýrðu könnunina og skildu eftir spurningalista, kort og önnur nauðsynleg gögn ásamt frímerktum umslögum.

Fréttabréfið er komið út og margt er að lesa hér  Það kemur í hús í fyrramálið. Vil vekja athygli á bls 12 en þar er pistill frá þeim Birtu og Láru starfsmönnum Eflu en þær  biðja fólk að svara könnun þeirri er komið var með í hús dagana 13., 15. og 20. júlí. s.l.um áhrif Hvammsvirkjunar á landslag og ásýnd.

Skeiða – og Gnúpverjahreppur óskar eftir tilboðum í leigu á fjallaskálanum í Hólaskógi á Gnúpverjaafrétti. Leigutími 5 ár. Um er að ræða tveggja hæða hús í góðu ástandi, byggt úr timbri árið 1998. Gistirými er fyrir allt að 60 manns. Flatarmál hússins er samtals 268,6 fermetrar eða 856 rúmmetrar. Það stendur á 2.500 fermetra lóð. Húsið verður til sýnis eftir samkomulagi við sveitarstjóra. Tilboðum skal skila í lokuðu umslagi á skrifstofu Skeiða- og Gnúpverjahrepps, merkt Hólaskógur leiga fyrir 30 ágúst  nk. Gögn vegna málsins sem og nánari upplýsingar afhendir/veitir Kristófer Tómasson sveitarstjóri Skeiða- og Gnúpverjahrepps í síma 486-6100 eða 861-7150 netfang kristofer@skeidgnup.is   

Stuðningsfulltrúi óskast í 80 % tímabundið starf í Þjórsárskóla í Skeiða- og Gnúpverjahreppi. Viðkomandi þarf helst að hefja störf  22 ágúst nk. Nánari upplýsingar um starfið veitir: Bolette Höeg Koch skólastjóri sími 486-6000 og 895-9660 netfang bolette@thjorsarskoli.is Umsóknarfrestur er til 19. ágúst næstkomandi.

             Boðað er til fundar í sveitarstjórn Skeiða-og Gnúpverjahrepps í Árnesi miðvikudaginn 10.08. kl.14:00       

Mál til afgreiðslu og umfjöllunar.

1.    Vindmyllur á Hafinu. Staða verkefnis. Margrét Arnardóttir frá Landsvirkjun mætir til fundar.

Starfsmann vantar í 75 % starfshlutfall í mötuneyti Flúðaskóla. Laun samkvæmt kjarasamningi launanefndar sveitarfélaga og Bárunnar. Viðkomandi þarf helst að geta hafið störf 15. ágúst 2016.

Upplýsingar veita Guðrún Pétursdóttir skólastjóri í síma 8471359 eða senda póst á gudrunp@fludaskoli.is og Bjarni Birgisson í síma 8993532

Umhverfisverðlaun Skeiða- og Gnúpverjahrepps 2016 voru veitt  þann 3. ágúst s.l.  Formaður Umhverfisnefndar sveitarfélagsins, Anna María Flygenring, afhenti verðlaunin og hafði nefndin  veg og vanda af valinu. Nefndarfólki  fannst það ekki erfitt að komast að niðurstöðu um að Þrándarholt ætti þessi verðlaun svo sannarlega skilið.

Bókanir í fjallaskálana Klett, Hallarmúla, Gljúfurleit, Bjarnalækjarbotna og Tjarnarver eru teknar á skrifstofunni í síma 486-6100 eða á kidda@skeidgnup.is

Ari Einarsson umsjónarmaður fasteigna er með símannn 893-4426 -  ari@skeidgnup.is

Gámasvæðið við Árnes opið: þriðjudaga kl. 14:00 - 16:00 og laugardaga kl. 10:00 - 12:00

Frá og með 28 júní næstkomandi er heimilt að fara með fé á Gnúpverjaafrétt

Afréttarmálanefnd

Leikskólinn Leikholt auglýsir eftir starfskrafti í eldhús/ræstingar. Um er að ræða 90% starf með vinnutímann 9:00-16:00, þar sem tekið er á móti matnum sem kemur í frá Árnesi, framreitt og gengið frá, einnig er húsið ræst. Laun samkvæmt kjarasamningum. Starfsmaður þarf að geta byrjað að vinna frá og með 1. september en möguleiki er að byrja að vinna fyrr.