Sú staða er komin upp hér í sveitarfélaginu að einstaklingar hafa greinst smitaðir af Kórónuveirunni. Um er að ræða íbúa í hreppnum og einnig fólk sem starfar í hreppnum en er búsett annars staðar. Engin leið er að segja til um hvort fleiri bætist í þann hóp. Nokkrir einstaklingar munu einnig vera í sóttkví. Fullt tilefni er til að bregðast við þessum aðstæðum hvað varðar starfsemi sveitarfélagsins.

Fréttabréf októbermánaðar er komið út.  LESA HÉR . Meðal efnis er pistill Kristófers Tómassonar, sveitarstjóra sem kominn er  aftur til starfa. Námskeið um stafagöngu sem Gunnar Gunnarsson ætlar halda, eldað með sveitungi,  fréttir frá grunnskóla og leikskóla og nokkrar fleiri praktískar upplýsingar.

Bláskógabyggð, Grímsnes- og Grafningshreppur, Hrunamannahreppur og Skeiða-og Gnúpverjahreppur   Aðalskipulagsmál

Samkvæmt 30. gr. Skipulagslaga nr.123/2010 eru kynntar skipulagslýsingar eftirfarandi skipulagsáætlana.

Sumarhúsafólk athugið!  Að gefnu tilefni vill lögreglustjórinn á Suðurlandi og almannavarnir á Suðurlandi vekja athygli á því  að reglur  um sóttkví gilda líka um þá sem kjósa að dvelja í sumarhúsi á meðan sóttkví stendur.   Einstaklingar í sóttkví mega EKKI  fara út fyrir sumarhúisð nema brýna nauðsyn beri til. Einstaklingar í sóttkví mega EKKI farasjálfir eftir aðföngum, þ.á.m. í matvöruverslun. Einstaklingar í sóttkví mega EKKI fara sjálfir með sorp á móttökustöðvar sveitarfélaga.Einstaklingar í sóttkví mega fara  í göngutúra eða bíltúra, en gæta þarf að halda reglur um fjarlægt frá öðrum. 

Alma D. Möller, landlæknir og Gígja Gunnarsdóttir verkefnisstjóri verkefnisins, Heilsueflandi samfélag komu og kynntu verkefnið 14. september 2020 í Félagsheimilinu Árnesi. Landlæknir og Björgvin Skafti Bjarnason, oddviti skrifuðu undir samstarfssamning um verkefnið milli sveitarfélagsins og Embætti landlæknis í einmuna blíðu. Nemendur Þjórsárskóla sungu af tilefninu lag, sérstaklega fyrir Ölmu. "Gamli Nói, gamli Nói er að spritta sig." Þá skrifuðu nokkur félagasamtök einnig undir samstarfssamninginn.

Eins og kunnugt er hafa sóttvarnarráðstafanir í landinu vegna Kórónuveirufaraldursins verið hertar. Eftir föngum verður tekið mið af því í starfsemi Skeiða- og Gnúpverjahrepps. Skrifstofa sveitarfélagsins verður opin með hefðbundnum hætti. Þeir sem eiga erindi á skrifstofuna eru samt sem áður hvattir til að nota tölvupóst skeidgnup@skeidgnup.is eða síma 486-6100 í samskiptum við skrifstofuna frekar en heimsókn.

Skrifstofa sveitarfélagsins í Árnesi verður lokuð fyrir hádegi fimmtudaginn 1. október  vegna fjármálaráðstefnu sveitarfélaganna en opið verður frá kl. 13:00  - 15:00. Lokað verður alveg föstudaginn  2. október af sömu ástæðu.

Nú fer að líða að haust- og vetrarfríum í skólum á Suðurlandi og á höfuðborgarsvæðinu, í flestum skólum eru haustfrí núna um miðjan október. Líkt og síðasta vetur ætlum við að leggja áherslu á Haust- og vetrarfrí fjölskyldunnar.

Við munum kynna fjölbreytta möguleika sem fjölskyldan getur gert saman á Suðurlandi í vetarfríinu í fréttamiðlum og á netmiðlum. Við munum leitast við að kynna fjölskylduvæna þjónustu og afþreyingu.

Boðað er til 48. fundar í sveitarstjórn Skeiða og Gnúpverjahrepps í Árnesi  30. september, 2020 klukkan 16:00. Dagskrá

1. Úthlutun lóða:

2. Hraunteigur leiðrétting á landstærð og landskipti  2020

3. 202 fundur Skipulagsnefndar

4. 127 afgreiðslufundur Byggingafulltrúa

Minnt er á almennan smaladag laugardaginn 26. september og skilarétt Gnúpverja verður í Skaftholtsréttum sunnudaginn 27. september kl 11:00.
Skilarétt Skeiða- og Fóamanna verður mánudaginn 28. september í Skaftholtsréttum kl. 11:00.
Á almennum smaladegi "skal smala heimalönd allra jarða og koma óskilafé í réttir " s.br. 28. gr. Fjallskilasamþykktar Árnessýslu austan vatna.