Sveitarstjórn

71. fundur 02. júlí 2025 kl. 09:00 - 10:45 Árnes

Nefndarmenn

Haraldur Þór Jónsson
Gunnhildur Fjóla Valgeirsdóttir
Andrea Sif Snæbjörnsdóttir
Axel Á. Njarðvík
Gunnar Örn Marteinsson

Starfsmenn

Hrönn Jónsdóttir

Fundargerð ritaði: Hrönn Jónsdóttir

Árnesi, 2. júlí 2025

Fundargerð:

Spurðist oddviti fyrir um hvort athugasemdir væru við fundarboðið, svo reyndist ekki vera.

Mál til afgreiðslu og umfjöllunar:

1. Skýrsla oddvita á 71. sveitarstjórnarfundi

Oddviti fer yfir verkefni sem hafa verið í vinnslu frá síðasta sveitarstjórnarfundi.

2. Lóðamál í Árnesi

Hinn 22. janúar 2025 fól, sveitarstjórn Skeiða- og Gnúpverjahrepps, sveitarstjóra að senda út bréf til þeirra aðila sem fengið höfðu úthlutaðri lóð á tímabilinu 2021-2023 þar sem lóðahöfum var gefinn kostur á að skila inn upplýsingum um byggingaráform á úthlutuðum lóðum. Í reglum um úthlutun lóða í Skeiða- og Gnúpverjahreppi og lóðarleigusamningum sem gerðir höfðu verið, kemur fram að hefja skuli framkvæmdir á úthlutaðri lóð innan 12 mánaða frá úthlutun. Í framhaldinu bárust upplýsingar frá lóðarhöfum. Skiluðu flestir lóðarhafar inn upplýsingum um stöðu á sínum fyrirætlunum. Hinn 5. mars 2025 samþykkti sveitarstjórn Skeiða- og Gnúpverjahrepps að gefa öllum lóðahöfum í Árnesi frest til 5. júní 2025 til þess að skila inn og fá samþykktar teikningar af viðkomandi byggingum og hefja framkvæmdir á lóð. Hjá þeim lóðahöfum sem byrjuðu ekki framkvæmdir fyrir 5. júní 2025 skyldi leiguréttur lóðahafa fallinn úr gildi skv. samningi um viðkomandi lóð og í framhaldinu myndi sveitarfélagið afturkalla lóðirnar og aflýsa lóðaleigusamningum

Lagt er nú fram minnisblað sveitarstjóra um lóðamál í Árnesi í tengslum við frest sem sveitarstjórn veitti lóðahöfum til 5. júní til að hefja framkvæmdir. Engin viðbrögð bárust frá lóðahöfum að Nautavaði 1, Skólabraut 1-3, Hamragerði 1, Hamragerði 5 og Heiðargerði 1. Framkvæmdir eru hafnar við Nautavað 2 og Skólabraut 5, Lóðaleiguréttur við Nautavað 4 og Hamragerði 3 er fallinn aftur til sveitarfélagsins.

Í ljósi þess ferils sem hefur verið farinn, lóðahöfum gefinn viðbótarfrestur til að skila inn gögnum og hefja framkvæmdir en án árangurs, samþykkir sveitarstjórn Skeiða- og Gnúpverjahrepps með fimm atkvæðum að fela sveitarstjóra að innkalla lóðirnar Nautavað 1, Skólabraut 1-3, Hamragerði 1, Hamragerði 5 og Heiðargerði 1 og skal lóðaleigusamningi aflýst úr fasteignabók.

3. Beint frá býli - styrkumsókn

Lögð fram beiðni um styrk vegna Beint frá býli dagsins sem haldinn verður sunnudaginn 24. ágúst og smáframleiðendur á Suðurlandi taka þátt í. Leitað er eftir styrk til að standa undir hluta af kostnaði við leigu á salernum, kaffiveitingum og leigu á hoppukastala.

Sveitarstjórn Skeiða- og Gnúpverjahrepps samþykkir með fimm atkvæðum að hafna styrkbeiðninni.

4. Umsagnarbeiðni - Stofnun lögbýlis að Sandlækjarmýri L201309

Lögð fram umsagnarbeiðni til sveitarstjórnar um stofnun lögbýlis að Sandlækjarmýri. Fyrirhugað er að stunda skógrækt á landinu, að planta nýjum skógi og grisja eldri skóg. Einnig mun hluti landsins verða notaður sem beitiland fyrir hross.

Sveitarstjórn Skeiða- og Gnúpverjahrepps hefur ekki athugasemdir við að stofnað verði lögbýli að Sandlækjarmýri L201309.

5. Samningur um íþróttahús- Límtré vírnet

Samningur um framleiðslu íþróttahús við Límtré Vírnet ehf lagður fram til kynningar.

6. Samningur um veiðirétt í Fossá 2025-2026

Samningur um veiðirétt í Fossá sumarið 2025 og 2026 lagður fram til kynningar.

7. Samkomulag v/barna með fjölþættan vanda

Lagt fram til kynningar bréf, samningur og fylgigögn frá Mennta- og barnamálaráðuneytinu er varðar samkomulag milli ríkisins og sveitarfélaga um ábyrgð á rekstri og kostnaði vegna búsetu barna með fjölþættan vanda sem vistuð eru utan heimilis. Á grundvelli samkomulagsins mun ríkið eigi síðar en 1. janúar 2026 taka ábyrgð á þriðja stigs þjónustu við börn með flóknar og fjölþættar þjónustuþarfir sem búsett eru utan heimilis. Á móti skuldbinda sveitarfélög sig til að tryggja að viðunandi úrræði séu í boði fyrir þennan hóp barna á fyrsta og öðru stigi þjónustu.

8. Aðalfundur Eignarhaldsfélags Suðurlands

Lagt fram aðalfundarboð Eignarhaldsfélags Suðurlands hf sem haldinn verður föstudaginn 4. júlí kl. 11:30 í fundarsal SASS að Austurvegi 56.

Sveitarstjórn Skeiða- og Gnúpverjahrepps samþykkir með 5 atkvæðum að fela Bjarna H. Ásbjörnssyni að mæta á aðalfundinn fyrir hönd Skeiða- og Gnúpverjahrepps.

9. Fundargerð 305. fundar skipulagsnefndar

Skeiðháholt 1 L166494; Skeiðháholt 1B; Stofnun lóðar - 2506006

Lögð er fram umsókn ásamt merkjalýsingu dags. 07.04.2025, skv. reglugerð um merki fasteigna 160/2024, er varðar stofnun nýrrar landeignar. Óskað er eftir að stofna 7.338,4 fm landeign, Skeiðháholt 1B, úr landi Skeiðháholts 1 L166494.

Sveitarstjórn Skeiða- og Gnúpverjahrepps gerir ekki athugasemd við stofnun lóðarinnar skv. framlagðri merkjalýsingu og samþykkir erindið. Sveitarstjórn bendir á að framkvæmdir innan lóðar eru að jafnaði háðar gerð deiliskipulags sem tekur til svæðisins auk þess sem sveitarstjórn bendir á að lóðin er mikið til innan takmarkana sem taka til fjarlægða frá vegum.

Húsatóftir 1E; breytt landnotkun; Fyrirspurnir til skipulagsnefndar - 2506082

Lögð er fram fyrirspurn sem tekur til breytinga á landnotkun á landi Húsatófta 1E. Í breytingunni felst beiðni um tilfærslu áætlaðrar veglínu til austurs auk skilgreiningar á verslunar- og þjónustusvæði og frístundasvæði.

Að mati sveitarstjórnar er forsenda aðalskipulagsbreytingar á svæðinu að tilfærsla vegarins geti gengið m.t.t. veghönnunar og staðla. Mælist sveitarstjórn til þess að umsækjandi vinni að hugsanlegri tilfærslu í samráði við Vegagerðina. Að öðru leyti gerir sveitarstjórn ekki athugasemdir við að unnin verði skipulagslýsing með það að markmiði að skilgreina nánar legu áætlaðrar tilfærslu Skeiða- og Hrunamannavegar og skilgreina um leið landnotkun svæðisins með tilliti til forsenda er varða m.a. fjarlægðir frístundahúsa og verslunar- og þjónustubygginga frá vegum, jarðvegsaðstæðna á svæðinu, minja, vatnsöflunar, fráveitu, tenginga við svæðið o.s.frv.

Klettar (L166589); byggingarheimild; starfsmannahús og geymsla - breyta innra skipulagi og útliti - 2503091 

Erindi sett að nýju fyrir sveitarstjórn með uppfærðum teikningum. Sótt er um byggingarheimild til að breyta innra skipulagi og útliti á mhl 05 starfsmannahúsi og geymslu 1.476,7 fm á jörðinni Klettar L166589 í Skeiða- og Gnúpverjahreppi. 

Sveitarstjórn Skeiða- og Gnúpverjahrepps samþykkir með 5 atkvæðum útgáfu byggingarheimildar vegna breytinga á innra skipulagi og útliti á matshluta 05 að Klettum L166589. Byggingarfulltrúa verði falin útgáfa leyfisins.

10. Fundargerð afgreiðslufundar byggingarfulltrúa 25-229