Atvinnu-og samgöngunefnd
- Hrútmúlavirkjun, vindmyllulundur. Sveitastjórn sendi til Atvinnu- og samgöngunefndar skýrslu um Hrútmúlavirkjun og óskar eftir umsögn nefndar. Nefndin hefur farið yfir skýrslu Gunnbjarnar ehf. varðandi tillögur um Hrútmúlavirkjun.
Í dag er enginn vindmyllugarður á Íslandi, þess vegna er nauðsynlegt að allur undirbúningur og kynning á verkefninu sé unnin af kostgæfni.Skáldabúðir eru vissulega afskekkt jörð.Þrátt fyrir það er jörðin í sveit þar sem er byggð. Nefndin telur að umræða um vindmyllugarð í byggð þurfi nauðsynlega að eiga sér stað, bæði hérna í sveitafélaginu og einnig á landsvísu.
Samgöngur. Væntanlega yrðu einhverjar vegabætur á Mástunguvegi (vegur nr. 329) en þær eru svæðisbundnar og gagnast nær einungis íbúum á því svæði.
Atvinnumál. Í skýrslunni er ekkert rætt um áhrif atvinnumála í sveitafélaginu, hvorki á framkvæmdatíma né við rekstur vindmyllugarðs. Ef neikvæð áhrif vindmyllugarðsins verða mikil, gæti það haft áhrif á bæði búsetu og atvinnumál í sveitafélaginu til lengri tíma.
Nefndin fagnar öllum áformum um atvinnuuppbyggingu í sveitarfélaginu.
Það eru skiptar skoðanir í þjóðfélaginu varðandi nýtingu vindorku, en
líklega mun stærsta deilan ávallt snúast um hvar staðsetning á svona
vindmyllugarði eigi að vera. Á hann heima í dreifbýli í byggð með tilheyrandi
röskun á gæðum þeirra sem búa í næsta nágrenni. Verði af framkvæmdinni,
þá má velta því fyrir sér hvort hún hafi neikvæð áhrif til lengri tíma
litið á aðra atvinnustarfsemi, þ.e.a.s. að fólk vilji ekki flytja inná
svæðið og byggja upp í næsta nágrenni við svona vindmyllugarð.
Þar sem engar upplýsingar eru í skýrslunni sem snúa að atvinnumálum
tengt framkvæmdinni, þá getur nefndin hvorki veitt verkefninu jákvæða né neikvæða umsögn.
Nefndin óskar eftir að Gunnbjörn ehf vinni ítarlegri greiningu á því hvaða
áhrif þessi framkvæmd muni hafa á atvinnustig í sveitarfélaginu, bæði á
framkvæmdatíma og eftir af vindmyllugarðurinn er kominn í rekstur.
Fleira ekki rætt.
Ákveðið að boða næsta fund síðar.