Sveitarstjórn

47. fundur var haldinn í hreppsnefnd Skeiða- og Gnúpverjahrepps þriðjudaginn 30. nóvember n.k. kl. 15 í Árnesi. 

Fundinn sátu Aðalsteinn Guðmundsson, Hrafnhildur Ágústsdóttir, Gunnar Örn Marteinsson, Þrándur Ingvarsson, Ólafur F. Leifsson, Tryggvi Steinarsson, Matthildur E. Vilhjálmsdóttir, og Ingunn Guðmundsdóttir sveitarstjóri sem ritaði fundargerð í tölvu.

Dagskrá:

1.     Ákvörðun um útsvar fyrir árið 2005 – Tillaga um 13,03% útsvar sem kynnt var við fyrri umræðu fjárhagsáætlunar 2005 þann 9. nóvember s.l. samþykkt.

2.      Önnur mál
Efling sveitarstjórnarstigsins – umsögn til nefndar um eflingu sveitarstjórnarstigsins vegna tillagna um sameiningu.  Fyrir lá tillaga að umsögn sbr.fylgiskjal 1.  Tillagan var rædd og gerðar nokkrar breytingar á henni, sveitarstjóra falið að ganga frá og senda umsögnina.
Fyrirkomulag fráveitu í Árnesi.  Sveitarstjóri kynnti verðtilboð frá Nesey og ESK í lagningu fráveitu sbr. gögn sem fyrir lágu frá Verkfræðistofu Suðurlands.  Samþykkt að heimila sveitarstjóra að leita samninga við ESK sem var hagstæðara.  Þá kynnti sveitarstjóri bréf til lóðarhafa og húseigenda í Árneshverfi varðandi sama mál.
Þrándur vakti máls á nýlegum uppsögnum Landsvirkjunar við virkjanir í Þjórsá og Tungnaá.  Gunnar Örn greindi frá að boðaður hefði verið fundur í atvinnumálanefnd hreppsins með rekstrarstjóranum í Búrfellsstöð.  Hreppsnefnd harmar þessar aðgerðir Landsvirkjunar sem virðast koma meira niður á heimamönnum en gefið var til kynna í upphafi.  Hreppsnefnd krefst skýringa frá hendi Landsvirkjunar.
 

Fundi var slitið klukkan 16:06