Starfsfólk óskast í mötuneyti Þjórsárskóla

06.07.2026
Starfsfólk óskast í mötuneyti Þjórsárskóla

Sveitarfélagið Skeiða- og Gnúpverjahreppur leitar að jákvæðum og kraftmiklum einstaklingi  til að aðstoða matreiðslumann í mötuneyti Þjórsárskóla. Mötuneyti Þjórsárskóla er staðsett í nýrri byggingu íþróttamiðstöðvar sveitarfélagsins í Árnesi.

Í mötuneyti Þjórsárskóla verður framleiddur matur fyrir nemendur leik- og grunnskóla og starfsfólk sveitarfélagsins. 

Helstu verkefni

  • Aðstoða matreiðslumann við gerð og framleiðslu matar
  • Aðstoða matreiðslumann við að undirbúa mat til sendingar fyrir móttökueldhús á starfsstöðvum sveitarfélagsins.
  • Útbúa morgunhressingu fyrir nemendur
  • Útbúa síðdegishressingu fyrir nemendur í frístund.
  • Annast gerð léttra veitinga.
  • Aðstoð við matarskömmtun
  • Annast uppvask
  • Annast dagleg þrif á tækjum eldhúss, kælum og gólfum ásamt borðum og stólum í matsal.
  • Aðstoða við gerð veitinga fyrir fundi.
  • Önnur tilfallandi störf í tengslum við rekstur mötuneytis

Menntunar og hæfniskröfur:

  • Þekking á gerð og framleiðslu matar.
  • Reynsla af starfi í mötuneyti t.d. í skóla er æskileg.
  • Nám sem nýtist í starfi er kostur.
  • Áhugi á framleiðslu matar og öllu sem honum tengist.
  • Áhugi á að starfa með börnum og starfsfólki sveitarfélagsins undir stjórn matreiðslumanns.
  • Lipurð og hæfni í mannlegum samskiptum
  • Frumkvæði, metnaður, skipulagshæfni og sjálfstæð vinnubrögð
  • Sveigjanleiki, jákvæðni og vinnugleði
  • Stundvísi, snyrtimennska, samviskusemi og reglusemi
  • Hreint sakavottorð

Í Skeiða- og Gnúpverjahreppi búa um 690 íbúar. Um er að ræða dreifbýlt sveitarfélag með tvo byggðakjarna, Árnes og Brautarholt. Þjórsárskóli, grunnskóli sveitarfélagsins, er staðsettur í Árnesi og leikskólinn leikholt er staðsettur í Brautarholti. Sveitarfélagið, sem er umvafið náttúrufegurð, er í um klst. akstursfjarlægð frá Reykjavík. Hjá sveitarfélaginu starfa um 60 manns. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Umsóknum skal fylgja ítarleg starfsferilskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfni til að sinna starfinu.

Um er að ræða 100% starf. Umsóknarfrestur er til 20. júlí nk.

Öllum umsóknum verður svarað eftir að umsóknarfrestur er liðinn og unnið hefur verið úr umsóknum.

Umsóknir óskast sendar á sylviakaren@skeidgnup.is ásamt ferilskrá og kynningarbréfi. Nánari upplýsingar veitir Sylvía Karen Heimisdóttir, sveitarstjóri, netfang: sylviakaren@skeidgnup.is

Öll hvött til að sækja um.

Vakin er athygli á stefnu Skeiða- og Gnúpverjahrepps að jafna hlutfall kynja í störfum fyrir sveitarfélagið og samræmingu milli einkalífs og fjölskyldu.

 
Til baka