Laus staða byggðaþróunarfulltrúa í Uppsveitum Árnessýslu

Merki sveitarfélaganna sem standa að Byggðarþróunarfulltrúanum

Sveitarfélögin Bláskógabyggð, Grímsnes- og Grafningshreppur, Hrunamannahreppur og Skeiða- og Gnúpverjahreppur í samstarfi við Samtök sunnlenskra sveitarfélaga auglýsa laust til umsóknar starf byggðaþróunarfulltrúa.
Byggðaþróunarfulltrúi veitir ráðgjöf og handleiðslu á sviði atvinnu- og byggðaþróunar, vinnur að upplýsingaöflun, miðlun upplýsinga og svæðisbundnum verkefnum á sviði byggðaþróunar, auk þess kemur hann að ferðatengdum málum og fjölmenningu. Byggðaþróunarfulltrúi sinnir verkefnum í samráði við sveitarfélögin fjögur og Samtök sunnlenskra sveitarfélaga (SASS). Einnig starfar fulltrúinn með samstarfshópi samtakanna og öðrum byggðaþróunarfulltrúum á Suðurlandi.
Um tímabundna ráðningu er að ræða til ársloka 2027 og starfshlutfall allt að 100%. Viðkomandi hefur aðalstarfsstöð á skrifstofum Bláskógabyggðar í Aratungu, Reykholti, en hefur einnig fasta viðveru á skrifstofum hinna sveitarfélaganna þriggja. Næsti yfirmaður er sveitarstjóri Bláskógabyggðar.

Hlutverk byggðaþróunarfulltrúa
• Veita ráðgjöf og handleiðslu á sviði atvinnuþróunar, nýsköpunar og menningarmála með sérstaka áherslu á umsækjendur og styrkþega Uppbyggingarsjóðs Suðurlands
• Aðkoma að fræðslu og þjálfun fyrir frumkvöðla
• Vinna við söfnun og greiningu upplýsinga á sviði atvinnu- og byggðamála
• Vinna að upplýsingamiðlun um stoðkerfi atvinnuþróunar, nýsköpunar, menningar og byggðamála
• Hvetja hagaðila innan svæðis til verkefnaþróunar og þátttöku í samstarfsverkefnum
• Styðja við stefnumörkun sveitarfélaganna á sviði byggðamála og framfylgir einstökum aðgerðum
• Vinna að og þróa svæðisbundin verkefni að eigin frumkvæði og í samstarfi við hagaðila
• Vinna að innleiðingu og eftirfylgni sameiginlegrar atvinnustefnu sveitarfélaganna
• Vinna að ferðatengdum málum, m.a. ráðgjöf og upplýsingamiðlun og þátttaka í faghópi sveitarfélaga á Suðurlandi og Markaðsstofu Suðurlands
• Aðkoma að fjölmenningarmálum, þ.m.t. gerð móttökuáætlunar
• Viðkomandi vinnur í samstarfi við oddvita og sveitarstjóra sveitarfélaganna fjögurra
Hæfniskröfur
• Menntun sem nýtist í starfi
• Reynsla af verkefnastjórnun og/eða ráðgjöf æskileg
• Góð færni í mannlegum samskiptum og rík þjónustulund
• Góð tölvufærni og hæfni í tjáningu í ræðu og riti (á íslensku)
• Frumkvæði í starfi og samstarfsfús
• Hæfni í að tileinka sér nýja þekkingu og miðla henni áfram
• Þekking á nærsamfélaginu og áhugi á að efla sitt tengslanet
Æskilegt er að viðkomandi hafi fasta búsetu í Árnessýslu og geti hafið störf sem fyrst.
Umsóknarfrestur er til og með 11. september 2025. Umsókn skal skilað stafrænt á Alfreð (www.alfred.is) og þarf henni að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi viðkomandi stéttarfélags og Sambands íslenskra sveitarfélaga. Umsóknir gilda í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.
Nánari upplýsingar veita Ásta Stefánsdóttir (asta@blaskogabyggd.is) 480-3000 og Ingunn Jónsdóttir (ingunn@sass.is) 480-8200.