Verklagsreglur vegna smithættu af sorpi og úrgangs vegna heimsfaraldurs

Göngubrú við Stöng

Hér eru verklagsreglur  vegna smithættu fyrir starfsmenn sem vinna við sorpflokkun -  en við erum mjög mörg að handleika og fara með sorp og dýraleifar á gámasvæðin og við ættum að kynna okkur þessar leiðbeiningar og nota þegar það á við.

Þessar verklagsreglur eiga við um starfsmenn sem vinna við meðhöndlun úrgangs, þ.m.t. sorphirða, flutningur, flokkun og förgun. Verklagsreglurnar taka gildi þegar sýkingar eru orðnar almennar í heimahúsum eða þegar Umhverfisstofnun gefur út tilmæli um að vinna skuli eftir reglunum. Nánari upplýsingar um smitvarnir má finna á heimasíðu Landlæknis.

Notkun persónuhlífa

Nota skal persónuhlífar við meðhöndlun úrgangs eftir því sem við á. Viðeigandi persónuhlífar eru t.d.:

• Einnota hanskar
• Einnota hlífðarfatnaður, t.d. einnota vinnugallar.
• Hlífðarfatnaður (utanyfirgalli)
• Hlífðarhanskar

Meðhöndlun úrgangs

Starfsmenn skulu af fremsta megni gæta varúðar við meðhöndlun úrgangs.

• Sorpílát skulu ekki opnuð heldur flutt beint í sorphirðubíla.
• Forðist að snerta sorp.
• Forðist snertingu við augu, nef og munn.

Frágangur að lokinni meðhöndlun úrgangs

• Einnota persónuhlífar fjarlægðar og settar í poka til förgunar.
• Ef notaðar eru fjölnota persónuhlífar skal þrífa þær og sótthreinsa eftir notkun.
• Mikilvægt er að þvo og sótthreinsa hendur reglulega.
• Sótthreinsa skal álagsfleti eftir því sem við á.