Umsjónaraðili Skeiðalaugar og félagsheimilis í Brautarholti

Félagsheimilið og Leikskólinn í Brautarholti

Sveitarfélagið Skeiða- og Gnúpverjahreppur leitar eftir öflugum einstaklingi í starf umsjónaraðila með Skeiðalaug ásamt því að hafa umsjón með félagsheimilinu í Brautarholti.

Um er að ræða fast starf til framtíðar en framundan er mikil efling á starfsemi Skeiðalaugar. Gera má ráð fyrir að starfið þróist næstu 1-2 árin. Starfshlutfall er 50-100%.

Umsækjandi þarf að hafa brennandi áhuga á uppbyggingu Skeiðalaugar og starfsemi hennar til framtíðar, hafa ríka þjónustulund, góða samskiptahæfileika og mikinn áhuga á að vinna með fólki.

Helstu verkefni og ábyrgð

• Sundlaugarvarsla og önnur verkefni tengdu starfinu, s.s. eftirlit, afgreiðsla og þrif.
• Skipulagning vakta.
• Ábyrgð á gæðum og öryggi starfseminnar.
• Þróun á nýrri þjónustu.
• Umsjón og húsvarsla með Skeiðalaug og félagsheimilinu Brautarholti.
• Umsjón með útleigu, undirbúningur viðburða í félagsheimilinu Brautarholti og frágangur eftir viðburði.
• Upplýsingagjöf til viðskiptavina og samskipti við þá.
• Samskipti við skóla, leikskóla, ungmennaráð, ungmennafélög og aðra hagaðila.
• Vinna með sveitarstjóra að verkefnum sem koma upp í tengslum við rekstur Skeiðalaugar og félagsheimilisins Brautarholti.
• Önnur tilfallandi verkefni.

Hæfniskröfur og menntun:

• Lipurð og framúrskarandi hæfni í mannlegum samskiptum.
• Hugmyndaauðgi, frumkvæði og drifkraftur
• Reynsla af starfi með börnum og unglingum.
• Góð almenn tölvukunnátta.
• Nákvæmni og skipuleg vinnubrögð.
• Sjálfstæði og fumkvæði.
• Námskeið í skyndihjálp.
• Hreint sakavottorð.
• Almenn ökuréttindi.
• Önnur reynsla sem nýtist í starfi.

Starfskjör og laun eru í samræmi við samninga Sambands íslenskra sveitarfélaga við viðkomandi stéttarfélag.

Skeiða- og Gnúpverjahreppur hvetur einstaklinga óháð kyni til að sækja um ofangreint starf.

Nánari upplýsingar um starfið veitir Haraldur Þór Jónsson, sveitarstjóri í síma 486-6100.

Umsóknum ber að skila á netfang sveitarstjóra haraldur@skeidgnup.is fyrir 10. desember nk.