Laust starf: Fulltrúi á skrifstofu sveitarfélagsins

Stjórnsýslan er í Félagasheimilinu Árnesi

Starf fulltrúa á skrifstofu Skeiða- og Gnúpverjahrepps er laust til umsóknar. Starfshlutfall er 50%
Starfssvið

• Skjalavarsla
• Umsjón með heimasíðu sveitarfélagsins
• Greiðsla reikninga
• Upplýsingagjöf til íbúa og annarra viðskiptavina
• Símsvörun
• Önnur tilfallandi verkefni 

Hæfniskröfur og menntun:

• Lipurð og hæfni í mannlegum samskiptum
• Góð almenn tölvukunnátta
• Góð íslenskukunnátta
• Nákvæmni og skipuleg vinnubrögð
• Stúdentspróf eða sambærilega menntun.
• Reynsla af skrifstofustörfum og bókhaldi er kostur
• Hreint sakavottorð

Starfskjör og laun eru í samræmi við samninga Sambands íslenskra sveitarfélaga við viðkomandi stéttarfélag.

Skeiða- og Gnúpverjahreppur hvetur einstaklinga óháð kyni til að sækja um ofangreind störf.

Íbúar Skeiða- og Gnúpverjahrepps eru um 600, skrifstofa sveitarfélagsins er staðsett í félagsheimilinu Árnesi. Þrír starfsmenn vinna á skrifstofu sveitarfélagsins, heildarfjöldi starfsmanna er um 40.

Nánari upplýsingar um störfin veitir Kristófer Tómasson sveitarstjóri sími 486-6100. Umsóknum ber að skila á netfang sveitarstjóra kristofer@skeidgnup.is fyrir 30 júní nk.