Íbúafundur um framtíðarsýn Skeiðalaugar

Skeiðalaugin góða

Þriðjudaginn 23. ágúst kl. 20:00 verður haldinn fundur í Skeiðalaug þar sem rætt verður hvernig við viljum sjá Skeiðalaug til framtíðar og hvaða möguleika við höfum til að efla þjónustu í Brautarholti tengt sundlauginni. Við munum skoða húsnæðið og aðstöðuna sem er til staðar og velta upp ýmsum hugmyndum um hvernig við getum breytt starfseminni.

Ég hvet alla sem hafa áhuga á því að móta hugmyndir um Skeiðalaug til að mæta og taka þátt í því að þróa nýja framtíðarsýn.

Haraldur Þór Jónsson, Sveitarstjóri