Íbúafundur fimmtudaginn 4. desember kl. 19:30

Íbúafundur verður haldinn í Árnesi fimmtudaginn 4. desember kl. 19:30.

Dagskrá:

1. Fjárhagsáætlun 2026 og 2027-2029.

Kynnt verður nýsamþykkt fjárhagsáætlun Skeiða- og Gnúpverjahrepps sem er síðasta fjárhagsáætlunin sem núverandi sveitarstjórn leggur fram. Rekstur sveitarfélagsins hefur gengið vel og farið verður yfir reksturinn og áframhaldandi uppbyggingu innviða sem er framundan samkvæmt samþykktri fjárhagsáætlun.

2. Sorpmálin

Miklar breytingar standa yfir í sorpmálum sveitarfélagsins, en nýlega ákvað sveitarstjórn að framlengja ekki samninga við Íslenska Gámafélagið og færa sorpþjónustuna inn í áhaldahús sveitarfélagsins. Markmið breytinganna er að bæta þjónustuna og ná betri árangri í rekstri sorpmálanna. Sérstaklega hvetjum við bændur sem nýta hrædýra gámana til að mæta og kynna sér fyrirhugaðar breytingar tengt dýrahræjum, en síðustu áramót varð sú breyting að ekki var lengur hægt að urða dýrahræin eins og hefur verið gert hingað til.

Kaffi og veitingar í boði - hvetjum íbúa til að mæta.

Fyrir þá sem komast ekki verður hægt tengjast fundinum rafrænt. Þeir sem vilja tengjast fundinum rafrænt senda tölvupóst á haraldur@skeidgnup.is og fá sent teams fundarboð.