Laus störf í Leikholti

Leikskólinn Leikholt

Leikskólinn Leikholt í Brautarholti í Skeiða- og Gnúpverjahreppi leitar að drífandi kennurum og starfsfólki.

Sýn okkar í Leikholti er sú að í skólanum fari fram framúrskarandi skólastarf byggt á umhyggju, fagmennsku og öflugu fólki, studd með aðbúnaði og umgjörð sem sómi er að. Leikholt er þriggja deilda leikskóli. Á hverri deild eru um 7 – 16 börn. Á leikskólanum eru um 40 nemendur frá aldrinum 1. árs til 6 ára.

Við leituð að fólki í eftirfarandi stöður:
• Laus 100% staða deildarstjóra
• Laus 50-100% staða leikskólakennara
• Laus 50-100% staða tónlistarkennara og/eða íþróttakennara
• Laus 50-100% staða leikskólaliða og/eða leiðbeinanda

Meginverkefni leikskólakennara og deildarstjóra eru að:
Skapa hvetjandi námsumhverfi og vera faglegur leiðtogi sem leggur sig fram um að skapa umbótamiðað lærdómssamfélag, byggt á lögum um leikskóla og aðalnámskrá. Vinna að og leggja mat á stöðu og framfarir nemenda. Vinna að fagmennsku að farsæld, velferð og menntun nemenda. Vinna markvisst að því að byggja upp jákvæðan skólabrag og öryggt skólaumhverfi, auk þess að hafa frumkvæði að farsælu og uppbyggilegu samstarfi við foreldra.

Hæfniskröfur leikskólakennara og deildarstjóra:
• Starfsleyfi kennara, skilyrði
• Búa yfir sérhæðri hæfni á leikskólastigi, æskileg.
• Kennslureynsla, æskileg.
• Vinnusemi og stundvísi og góð meðmæli þar um.
• Færni í að vinna náið með öðrum og að fjölbreyttum verkefnum.
• Skipulögð vinnubrögð, sjálfstæði og frumkvæði.

Meginverkefni leikskólaliða og leiðbeinenda eru að:
Skapa hvetjandi námsumhverfi og leggja sig fram um að skapa umbótamiðað lærdómssamfélag undir handleiðslu deildarstjóra. Taka þátt í daglegu starfi leikskólans og starfar með börnum í leik og starfi undir stjórn deildarstjóra og framfylgja faglegri stefnu leikskólans.

Hæfniskröfur leikskólaliða og leiðbeinenda:
• Gerð er krafa um leikskólaliða menntun í stöður leikskólaliða.
• Vinnusemi og stundvísi og góð meðmæli þar um.
• Færni í að vinna náið með öðrum og að fjölbreyttum verkefnum.
• Hæfni til að miðla þekkingu sinni á íslensku eftir því sem við á (miðað er við kunnáttu á stigi B2 samkvæmt evrópska matskvarðanum).

Æskilegt er að viðkomandi geti hafið störf sem fyrst.
Starfskjör eru samkvæmt gildandi kjarasamningi milli Sambands íslenskra sveitarfélaga og viðeigandi stéttarfélaga. Öllum umsóknum verður svarað þegar ákvarðanir um ráðningar hafa verið teknar. Um er að ræða tímabundin störf út skólaárið.
Umsóknir skal senda á netfangið leikholt@leikholt.is. Nánari upplýsingar um starfið veitir Anna Greta Ólafsdóttir, leikskólastjóri, í síma 486-5586, umsóknarfrestur er til og með 17. júní 2025.

Rétt er að vekja athygli á því að við ráðningu er heimilt að sækja upplýsingar úr sakaskrá. Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga (kynferðisbrot), nr. 19/1940 frá því að hann var sakhæfur (15 ára) né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum.