Afréttarmálanefnd Gnúpverja

1. Upprekstur

Ákveðið að fara og skoða afréttinn í næstu viku og ákveða upprekstrardag. Helga heyrir í Sigþrúði Jónsdóttur sem mun taka út afréttinn fyrir hönd Landgræðslunar.

1. Girðingar

Arnór var búinn að tala við Bjarna Másson um að yfirfara girðingar. Arnór athugar hvort það sé búið. Það þarf að yfirfara sleppigerðið í Skúmstungum og útbúa þar gerði sem nota á í eftirsafni.

1. Breytingar á fjallskilum

Breytingar á fjallskilum verða ekki gerðar í haust en við stefnum að því næsta haust. Breytingarnar fælust í því að hver sauðfjárbóndi skaffi smala í hlutfalli við fjölda fjár á fjalli. Breytingartillagan þarf að fara fyrir sveitastjórn.

1. Akstur af fjalli

Ákveðið að stefna að því að keyra féð heim í haust úr Hólaskógi og frá Fossá. Kostnaður við akstur myndi leggjast ofan á fjallskil en hægt væri að vinna upp í þau. Stefnum að því að keyra í haust til reynslu og meta svo stöðuna aftur á næsta ári.

1. Framkvæmdir

• Ekki búin að fá úr fjallvegasjóði

• Líklega verður farið í verkefni framarlega á afréttinum. Hefla og setja ræsi.

• Arnór talar við Strá ehf.
• Bíðum eftir að skipulagið fari í gegn svo við getum pantað braggana í Bjarnalækjabotna og Gljúfurleit. Markmið að panta þá og steypa sökklana í haust.
• Klósetthúsið í Gljúfurleit þarf að fara upp í sumar. Markmið að gera það tilbúið í byggð í júlí og koma því fyrir í ágúst.
• Ákveðum að búa til hóp á facebook með sjálfboðaliðum sem væru til í að aðstoða við allskonar verkefni, girðingar, málningavinnu og fleira. Helga sér um að útbúa lista yfir sjálfboðaliða og bjóða í hópinn.

Fundi slitið kl. 22.00

Næsti fundur áætlaður í lok júlí 2023