Um sveitarfélagið

Nútímavædd sveit með náttúruperlum

Hreppurinn liggur austast  í Árnessýslu, ofanverðri, með Hofsjökul í norðri, Flóa í suðri, Þjórsá í austri og Stóru-Laxá og Hvítá í vestri.   Íbúar voru 609  þann 1. febrúar  2020.  Atvinnuvegir eru landbúnaður, menntunar- og uppeldisstörf, auk iðn- og verslunarstarfa. Ferðaþjónusta fer vaxandi. Náttúrufegurð er mikil og eru nokkrir þekktir staðir í hreppnum eins og Háifoss, Hjálparfoss, Þjórsárdalur, Stöng,  Gjáin, Gaukshöfði og Vörðufell. Í hreppnum er félagslíf og mannlíf, blómlegt.  Tvær kirkjusóknir eru í sveitarfélaginu. Ólafsvallasókn og Stóra-Núpssókn.  Skrifstofan sveitarafélagsins er staðsett í Árnesi og er opin  mánud-fimmtud kl. 9-12 og 13-15 og föstud. 9-12.   www.skeidgnup.is  er heimasíða sveitarfélgsins

Kortasjáin gefur gott yfirlit yfir sveitarfélagið úr lofti og nota má hana til skipulagsvinnu.

Kortasjá

Göngukort Þjórsárdalur

Lausar lóðir

Í þéttbýliskjörnunum við Brautarholt og Árnes í Skeiða- og Gnúpverjahreppi hefur verið úthlutað allnokkrum lóðum að undanförnu.

Rúmgóðar einbýlishúsalóðir eru lausar til úthlutunar í fögru umhverfi í Árneshverfi í Skeiða- og Gnúpverjahreppi.

Enn standa lausar lóðir við göturnar Hamragerði og Heiðargerði í Árnesi. Götur í Árnesi hafa nýlega verið malbikaðar. Hitaveita og ljósleiðaratengingar eru aðgengilegar. Í hverfinu er grunnskóli, sundlaug, verslun og samkomuhús. Leikskóli er í 13 km fjarlægð.

Íbúafjöldi í Árneshverfinu er um 50 manns. Í sveitarfélaginu búa rúmlega 600 manns.  Möguleiki er einnig á iðnaðarlóðum við jaðar hverfisins.

Lóðargjöldum er stillt mjög í hóf. Miðað við 200 fermetra hús ca 1.6 mkr. Fyrir utan tengingar við heitt og kalt vatn, ljósleiðara og  rafmagn.

Selfoss er í um  40 km fjarlægð  og Flúðir  í um 20 km fjarlægð.  Reykjavík er í um 100 km fjarlægð.

Grunnskóli sveitarfélagsins er staðsettur í hverfinu, ásamt sundlaug, félagsheimili og skrifstofu sveitarfélagsins. Matvöruverslun, tjaldsvæði, upplýsingamiðstöðin Þjórsárstofa og gistiþjónusta er einnig á staðnum. Vegalend að Selfossi er um 40 km og um 20 km að Flúðum og um 100 til Reykjavíkur.

Í Brautarholtshverfi eru ekki lausar lóðir sem stendur.  Drög hafa verið lögð að tíu einbýlishúslóðum í hverfinu. Í Brautarholti er starfræktur leikskóli sveitarfélagsins, þar er einnig sundlaug, bókasafn, félagsheimili, tjaldsvæði og gistiþjónusta. Vegalengd að Selfossi er um 26 km og um 20 km að Flúðum.

Aðrar upplýsingar

Ljósleiðari hefur verið lagður um allt sveitarfélagið og greiðir sveitarfélagið inntökugjald hans niður um 150.000 kr. pr tengingu. Hitaveita er aðgengileg um mest allt sveitarfélagið.  Lagningu bundins slitlags á götur og gangstéttar lauk að mestu í Árnes- og Brautarholtshverfum  lauk sumarið 2019. Í Brautarholti var byggð fullkomin skólphreinsistöð árið 2017.

Leikskóli sveitarfélagsins er Leikholt í Brautarholti. Þar komast börn í sveitarfélaginu í vistun frá 1 árs aldri og er leikskólagjöldum stillt mjög í hóf.

Þjórsárskóli í Árnesi er grunnskóli frá 1. - 7. bekk. Nememdur koma með skólabílum og fá morgunhressingu og hádegisverð í skólanum á kostnaðarverði. Einnig er skólavistun í boði fyrir yngri bekki.

Flúðaskóli á Flúðum er grunnskóli frá 1. - 10 bekk. Nemendum í 8- 10. bekk  úr Skeiða- og Gnúpverjahreppi er ekið þangað daglega ( 20 km. hádegisverður í skólanum)

Gjaldskrá gatnagerðargjalda er mjög stillt í hóf. Grunnur að gatnagerðargjöldum er byggingakostnaður á fermetra í vísitölu fjölbýlishúss samkvæmt útreikningi Hagstofunnar í nóvember 2018 kr 220.334. Lágmarksgjald fyrir einbýlishúsalóð er um 960.000 kr. Fyrir par/raðhúsalóð um 690.000 kr. Greiðsluskilmálar eru eftirfarandi: Innan þriggja mánaða frá undirskrift lóðarleigusamnings eða útgáfu byggingaleyfis skal greiða 25 % af álögðu gatnagerðargjaldi. Þegar lokið er lagningu bundins slitlags á viðkomandi götu skal greiða 75 % gjaldsins.

Öflugt mannlíf er í sveitarfélaginu, fögur náttúra og góðar samgöngur..  Auk þess er góður grunnskóli með um tæplega 50 nemendum.

Tvær sundlaugar eru í sveitarfélaginu. Skeiðalaug 16 3/4 m löng með gufubaði og heitum potti  í Brautarholts byggðakjarnanum og Neslaug áttstrend laug 12,5 m  að lengd með heitum potti í byggðakjarna í Árnesi. Auk þess eru vel útbúin  tjaldsvæði með rafmagni við Árnes og Brautarholt.  Þá er tjaldsvæði á Sandártungu í Þjórsárdal  -  en þar er ekki rafmagn.

Íþróttavöllur er í Árnesi einnig  er þar sundlaug, tjaldsvæði, grunnskóli, verslun og bensínsala,  Verslunin Árborg. ( N1)

Sveitarfélagið greiðir tómstundastyrk fyrir hvert barn til foreldra þeirra á aldrinum 6 -18 ára að upphæð. kr.80.000,- á ársgrundvelli árið 2021 gegn framvísun kvittana frá viðurkenndum aðilum er sjá um íþrótta - og tómstastarf.

Nánari upplýsingar veitir skrifstofa Skeiða og Gnúpverjahrepps í síma 486-6100 netfang skeidgnup@skeidgnup.is


Þarfnast þessi síða lagfæringar?

Svo hægt sé að hafa samband við þig.