Búsetumöguleikar

Í Skeiða- og Gnúpverjahreppi eru góðir búsetumöguleikar.

Sveitarfélagið er í um 85 km fjarlægð frá Reykjavík þ.e. Brautarholtsbyggðin en Árneshverfið um 100 km fjarlægð. 

Ef þú vilt flytja í sveitarfélagið er flutningstilkynning hér

07. september 2011 eru laust eitt  einbýlishús á Brautarholti til kaups eða jafnvel leigu.

Einnig Jörðin Hraunvellir  á Skeiðum og  Breiðanes í Gnúpverjahreppi.

Atvinnumöguleikar eru all góðir því sveitin samanstendur af blandaðri starfsemi s.s. mennta- og uppeldisstörfum, ferðaþjónustu, verslun, iðngreinastörfum, hinum hefðbunda landbúnaði, ofl. Búrfellsvirkjun og Sultartangavirkjun eru staðsettar í sveitinni og geta ungmenni búsett hér leitað þangað í vinnu að sumri. Vinnuskóli er starfræktur á sumrin á vegum sveitarfélagsins, fyrir yngsta fólkið sem á lögheimili í sveitarfélaginu.

 Þá er auðveldlega hægt að stunda vinnu í nágrannasveitarfélögum þar sem vegalengdir eru ekki það miklar á milli staða t.d. er um 20 km frá Árnesi að Flúðum og um 16 frá Brautarholti þangað. þá eru um 40 km á Sefoss úr Árnesi en um 25 frá Brautarholti.

Tvær sundlaugar eru í sveitarfélaginu:

Neslaug í Árnesi og Skeiðalaug í Brautarholti.

Verslunin Árborg  er staðsett í Árnesi.

Kertasmiðja er í Brautarholti

Hér eru upplýsingar um gistingu og aðra þjónustu í sveitarfélaginu

Grunnskóli í Árnesi  með 1. - 7. bekk  og Leikskóli í Brautarholti  eru  í sveitarfélaginu og eru um 40 nemendur í grunnskólanum og  um 30 leikskólabörn.  Nemendur í 8. - 10. bekk stunda nám í Flúðaskóla á Flúðum og næstu framhaldsskólar eru Fjölbrautarskóli Suðurlands á Selfossi og  Menntaskólinn að Laugarvatni. Nemendum er ekið daglega á Flúðir og Selfoss en á Laugarvatni búa nemendur á heimavistum skólans.  Heilsugæsla og yfirstjórn félagsþjónustu er í Laugarási í Bláskógabyggð en sjúkrahús er á Selfossi, Heilbrigðisstofnun Suðurlands hsu.is

Á Selfossi  er flest af þeirri  þjónustu sem þarf til daglegs lífs.

Eldri borgarar sveitarfélagsins starfa saman í félagi og hittast reglulega í Bókahúsinu í Brautarholti.  Formaður félagsins er Vilmundur Jónsson Skeiðháolti.

Byggingarleyfisgjöld eru skv. gjaldskrá hverju sinni. Gjaldið er þannig uppbyggt að greitt er fastagjald (afgreiðslugjald) kr. 40 þús  og að auki rúmmetragjald sem er breytilegt eftir því um hvernig húsnæði er að ræða. Hugsunin er að byggingarleyfisgjald fyrir „meðal“ íbúðarhús sé sambærilegt við meðal sumarhúsið.
Í dag er gjaldið fyrir:

Íbúðarhús kr. 140 pr rúmm.
Sumarhús kr. 340 pr rúmm.
Iðnaðarhús og landbúnaðarbyggingar kr. 50 pr rúmm.
Skrifstofu- og verslunarhúsn oþh kr. 110 pr rúmm.

Ef giskað er á rúmmetratölur fyrir neðangreindar stærðir  má áætla að gjöldin séu þannig:

Íbúðarhús 150 ferm, gæti verið ca 550 rúmm, gjald kr. 117 þús  
Sumarhús 50 ferm, gæti verið ca 200 rúmm, gjald kr. 108 þús
Iðnaðarhús 400 ferm, gæri verið ca 2000 rúmm, gjald kr. 140 þús 

Sækja um byggingaleyfi.

Hitaveita Brautarholts þjónar íbúum í Brautarholti.

Verðskrá frá  01.11.2010.

Vatn um mæli:                   kr. 51,- á m3 +  2% auðlindaskattur og 7% vsk

Mælagjöld á mánuði:

a)  Fyrir mæla allt að 3/4":    kr. 849,-  +  2% auðlindaskattur og 7% vsk

b)  Fyrir mæla 1" - 2"           kr. 1.698,- +  2% auðlindaskattur og 7% vsk

Heimæðargjöld miðast við heildar rúmmal húsa og er sem hér segir:

Hús allt að 400 m3                   kr. 323.450,-  + 7% vsk

Hús 400 m3 - 2000 m2             kr. 323.450.,-   og 262,- á hvern m3 þar fram yfir  + 7% vsk

Hús  stærri en 2000 m3             kr. 742.755,-  fyrir 2000 m3 og 222,- á hvern m3 þar fram yfir  + 7% vsk

Stofngjald fyrir hvern aðrennslismæli umfram einn á sama inntaki er kr 24.262,-  + 7% vsk

Hitaveitufélag Gnúpverja þjónar íbúum í Árneshverfi og  mestum hlua Gnúpverjahrepps.

Inntökugjald fyrir heitt vatn frá Hitaveitufélagi Gnúpverja  er kr. 250.000,- + 7 % vsk. 

Íbúðarhús og sumarhús fast gjald pr. mánuð 1000,- pr mánuð. 

Notkun er seld eftir mæli kr. 53,-  tonnið +2% auðlindagjald og 7% vsk fyrir íbúðarhús og sumarhús

Atvinnuhúsnæði fast gjald 1000,- pr. mánuð +  2% auðlindagjald og 7% vsk

Notkun seld eftir mæli kr. 18,- +  2% auðlindagjald og  7% vsk 

Eyðublað til vinstri á síðu Stjórnkerfið/Eyðublöð merkt Umsókn um hitaveitu.

Gjald fyrir breytingar á heimtaugum, aðrar en um getur í verðskrá, RARIK er samkvæmt skriflegu tilboði RARIK.

Verðskrá um dreifingu og flutning á raforku er hér

Sækja um hjá RARIK

Inntaka rafmagns fer þannig fram að RARIK gerir skriflegt tilboð um tengigjald fyrir heimtaugar stærri en 2800 A.

Sjá vefsíðu RARIK

Myndir:

Mynd 1. Félagsheimið Árnes /stjórnsýsla er staðsett þar.

Mynd 2. Leikskólinn Brautarholti 

Mynd 3. Neslaug - Árnesi

Mynd 4. Skeiðalaug - Brautarholti

Mynd 5. Þjórsárskóli - Árnesi