Búsetumöguleikar

Í Skeiða- og Gnúpverjahreppi eru góðir búsetumöguleikar.
Sveitarfélagið er í um 100 km fjarlægð frá Reykjavík og 40 km frá Selfossi. 

Ef þú vilt flytja í sveitarfélagið er  flutningstilkynning  hér

Upplýsingar um þjónustu og afþreyingu í sveitarfélaginu hér

01.01.2012 er eitt einbýlishús í eigu Íbúðalánasjóðs á Brautarholti laust til íveru en húsið er ekki fullfrágengið. 

Rúmlega 3 ha leigulóð frá sveitarfélaginu með sökkli fyrir einbýishúsi  og bílskúr að Hólabraut 5 er til sölu. Hólabraut er 1.5 km ofan við Árnes.

Atvinnumöguleikar eru all góðir því sveitin samanstendur af blandaðri starfsemi s.s. mennta- og uppeldisstörfum, ferðaþjónustu, verslun, iðngreinastörfum, hinum hefðbunda landbúnaði, ofl.

Búrfellsvirkjun og Sultartangavirkjun eru staðsettar í sveitinni og hafa ungmenni búsett hér í sveitarfélaginu geta leitað þangað í vinnu að sumri, hingað til.

Vinnuskóli er starfræktur á sumrin,  á vegum sveitarfélagsins, fyrir yngsta fólkið. 

Byggðakjarnar á Flúðum og í Laugarási eru í um 20 km fjarlægð svo hægt er að sækja atvinnu þangað.

Grunnskóli með 1. - 7. bekk  og Leikskóli  eru  í sveitarfélaginu og þar  eru núna 44 nemendur  og  30 leikskólabörn.  Nemendur í 8. - 10. bekk stunda nám á Flúðum, og næstu framhaldsskólar eru Fjölbrautarskóli Suðurlands á Selfossi og  Menntaskólinn að Laugarvatni. Nemendum er ekið daglega á Flúðir og Selfoss en á Laugarvatni búa nemendur á heimavistum skólans. 

Heilsugæsla er í Laugarási í Bláskógabyggð en sjúkrahús á Selfossi, Heilbrigðisstofnun Suðurlands hsu.is

Starfsstöð félagsþjónustu er í Laugarási

Lausar lóðir undir sumarhús eru til leigu hjá sveitarfélaginu og til kaups hjá einkaaðilum. Háhraðatenging við internetið fæst hér. Hitaveita er lögð á alla bæi og vegur 32, þjóðleið yfir Sprengisand, liggur í gegnum sveitina endilanga. Þá skilur Þjórsá sveitina og Rangárvallasýslu að, eða Rangárþing ytra, að austanverðu, Stóra- Laxá og Hvítá liggja á mörkum sveitarinnar og Hrunamannhrepps og Grímsness að vestanverðu, Flóahreppur er í suðri og Hofsjökull í norðri. Náttúrufegurð er talin mikil og veðurfar ágætt.
Verið velkomin til okkar.

Byggingarleyfisgjöld eru skv. gjaldskrá hverju sinni. Gjaldið er þannig uppbyggt að greitt er fastagjald (afgreiðslugjald) kr. 40 þús  og að auki rúmmetragjald sem er breytilegt eftir því um hvernig húsnæði er að ræða. Hugsunin er að byggingarleyfisgjald fyrir „meðal“ íbúðarhús sé sambærilegt við meðal sumarhúsið.
Í dag er gjaldið fyrir:

Íbúðarhús kr. 140 pr rúmm.
Sumarhús kr. 340 pr rúmm.
Iðnaðarhús og landbúnaðarbyggingar kr. 50 pr rúmm.
Skrifstofu- og verslunarhúsn oþh kr. 110 pr rúmm.

Ef giskað er á rúmmetratölur fyrir neðangreindar stærðir  má áætla að gjöldin séu þannig:

Íbúðarhús 150 ferm, gæti verið ca 550 rúmm, gjald kr. 117 þús  
Sumarhús 50 ferm, gæti verið ca 200 rúmm, gjald kr. 108 þús
Iðnaðarhús 400 ferm, gæri verið ca 2000 rúmm, gjald kr. 140 þús

Heimæðagjald fyrir köldu vatni  er kr 150 þúsund.

Innifalið í gjaldinu er tenging við vatnsveitu sveitarfálagsins og efniskostnaður síðustu 25 metra að húsi miðað við 25 mm þvermál  rörs. Skilyrt að starfsmaður sveitarfélagsins sjái um tengingu við vatnsveitu og samþykki frágang.

Eyðublöð til vinstri  á síðunni undir Stjórnkerfið /eyðublöð