Öryggisvörður sveitarfélagsins er:

Kristjana Heyden Gestsdóttir, ritari/vefumsjón á skrifstofu.

Þessum fulltrúa skal falið að annast öryggiseftirlit, þjálfun og fræðslu. Ennfremur skal stuðla að samstarfi hans við öryggistrúnaðarmenn, þ.e. þá sem starfsmenn kjósa til þess að sinna vinnuverndarverkefnum fyrir sína hönd.

Öryggistrúnaðarmaður í Þjórsárskóla er: Lilja Loftsdóttir, stuðningsfulltrúi. 

Öryggistrúnaðarmaður í Leikholti, leikskólanum Brautarholti er:

Sigrún H. Arndal, leikskólakennari.

Öryggistrúnaðarmenn og vörður hafa sótt námskeið öryggisvarða og öryggistrúnaðarmanna hjá Vinnueftirliti ríkisins.

Öryggisvörður hefur sótt námskeið um gerð áhættumats á vinnustöðum hjá Vinnueftirliti ríkisins. 

Hvað á öryggisvörður að gera?
Í stuttu máli sagt eiga öryggisvörður og öryggistrúnaðarmaður
að fylgjast í sameiningu með því að aðbúnaður, hollustuhættir
og öryggi sé í samræmi við lög og reglur – og fylgt sé fyrirmælum Vinnueftirlitsins.

Í 13. gr. reglna um heilbrigðis- og öryggisstarfsemi
innan fyrirtækja nr. 77/ 1982 er verkefnum þessara fulltrúa lýst.

Meginatriðin eru þessi:

– Fara eftirlitsferðir um vinnustaðinn og aðgæta
að vélar og tæknibúnaður, hættuleg
efni og starfsaðferðir stofni ekki lífi og
heilsu starfsmanna í hættu.

– Huga að öryggisbúnaði og notkun persónuhlífa
og ástandi þeirra.

– Gæta að þjálfun og fræðslu starfsmanna
með tilliti til hollustuhátta og öryggis.

– Fylgjast með að tilkynningarskyldu um
vinnuslys og atvinnusjúkdóma sé sinnt.