Sveitarfélagið tekur þátt í kostnaði við kaup á námsmannakortum sem gilda í strætó bs.

Á 06. fundi sveitarstjórnar miðvikudaginn 6. október 2010 samþykkti sveitarstjórn reglur um þátttöku sveitarfélagsins í kostnaði námsmanna við kaup á strætókortum á höfuðborgarsvæðinu.

Reglurnar eru birtar hér og umsóknareyðublað er á heimasíðunni hér til vinstri undir Stjórnkerfið/Eyðublöð.

1.gr.
Námsmenn sem skráðir eru til náms í framhaldsskóla eða háskóla á höfuðborgarsvæðinu og eru með lögheimili í Skeiða-og Gnúpverjahreppi eiga þess kost að fá styrk til kaupa á námsmannakorti allt að 15.500,- kr. sem veitir aðgang að almenningsvögnum Strætó bs. á  gjaldsvæði  1.

Framhaldsskólinn þarf að útskrifa nemendur til framhaldsnám á háskólastigi eða námið vera lánshæft hjá LÍN minnst 20 ECTS.

Námsmenn í símenntunarmiðstöðvum og framhalds- og listaskólum þar sem nemendur eru ekki lánshæfir hjá LÍN eiga ekki kost á nemakorti. Nemendur í fjarnámi eiga ekki kost á námsmannakorti. Nemendur í grunnskóla, sem taka  námskeið eða námsgrein(ar) í framhaldsskóla, eiga ekki kost á námsmannakorti.

2.gr.
Verð á námsmannakorti sem gildir í strætó fyrir skólaárið 2010 – 2011 er  15.500,- . Styrkur til kaupa á námsmannakorti fyrir hvora önn fyrir sig er kr. 7.750,-

Með umsókn þarf að fylgja frumrit kvittunar fyrir kaupum á námsmannakortinu, og staðfesting skóla um nám umsækjanda.

Reglurnar gilda fyrir skólaárið 2010- 2011.