Velheppnuð haustferð í þjórsárdal 19. september

Upplit, menningarklasi uppsveita Árnessýslu, bauð upp á skógarferð sunnudaginn 19.september sl. Hreinn Óskarsson skógarvörður á suðulandi var leiðsögumaður í ferðinni.

Frá Árnesi var ekið inn í Búrfellsskóg, þar var Þjófafoss skoðaður og gengið í gegnum skóginn. Síðan voru rústirnar á Sámstöðum skoðaðar, og rústirnar af bænum Sandártungu heimsóttar. Sandártunga var bær í Þórðarholtinu í Þjórsárdal, ca.2 km. vestan við Hjálparfoss.

Menn hafa deilt um það gegnum tíðina hvort bærinn heiti Sandatunga eða Sandártunga. En þátttakendur í ferðinni fengu verkefni, sett var niður skilti frá Fornleifanefnd og á því stóð Sandártunga.

Síðan var farið í Þjórsárdalsskóg og drukkuð ketilkaffi að hætti Jóhannesar frá Ásólfsstöðum, ásamt venjulegu kaffi og heimaböku meðlæti. Til stóð að fara með 20 manns í ferðina og loka síðan á þátttöku. En mikill áhugi var að komast í ferðina, og fóru 27 manns.

Fleiri sýndu áhuga en voru uppteknir við annað. Ákveðið hefur verið að Upplit bjóði upp á aðra skógarferðferð næsta haust, og pottþétt að skilti verður með í ferðinni.

Myndin er af hópnum við skiltið á þessum fallega haustdegi.