Skemmtilegur landnámsdagur

• 1
• 2
• 3

Landnámsdagur í Skeiða- og Gnúpverjahreppi heppnaðist vel.

Fólk safnaðist saman á þeim stöðum sem boðið var upp á atriði en flestir komu  þó að þjóðveldisbænum í Þjórsardal þar sem leikhópur úr Ungmennafélagi Gnúpverja frumflutti  leikatriði um Gauk á Stöng sem samið var af hópnum í vetur, þá voru Vikivakar dansaðir  og einnig voru sýndir gamlir leikir af félagsskap sem í er áhugafólk um víkingahefðir hér á Íslandi.  Gamalt íslenskt handverk var til sýnis og sölu og gömul íslensk vinnubrögð voru sýnd inni í bænum sjálfum, örmessur fluttar,  ásamt því að konur úr Kvenfélagi Skeiðahrepps  buðu upp á verulega góða íslenska kjötsúpu að hætti landnámsmanna.

Veðrið lék við gesti og var þetta hin skemmtilegasta stund í Þjórsárdal.