486-6014 
486-6091
Lífshlaupið, heilsu- og hvatningarverkefni ÍSÍ
Lífshlaupið, heilsu- og hvatningarverkefni ÍSÍ, verður ræst í fimmta sinn miðvikudaginn 1. febrúar.
Lífshlaupið höfðar til allra landsmanna og er hægt að skrá þátttöku á vefsíðu Lífshlaupsins, www.lifshlaupid.is en þar gefst þátttakendum kostur á að taka þátt í:
Vinnustaðakeppni frá 1.-21. febrúar, fyrir 16 ára og eldri
Hvatningarleik fyrir grunnskóla frá 1.-14. febrúar, fyrir 15 ára og yngri
Einstaklingskeppni þar sem hver og einn getur skráð inn sína hreyfingu allt árið
Markmið Lífshlaupsins er að hvetja almenning til þess að hreyfa sig og huga að sinni hreyfingu í frítíma, heimilisstörfum, vinnu, skóla og við val á ferðamáta. Skrá má alla hreyfingu inn á vefinn svo framarlega sem hún nær ráðleggingum embætti landlæknis um hreyfingu.
Einnig er hægt að fylgjast með stöðunni í hverju sveitarfélagi fyrir sig þar sem kemur fram fjöldi liða, þátttakenda, daga og mínútna.
