Reykjaréttir 11. september

Réttað verður í Reykjaréttum  laugardagin 11. september.

Fólki er bent á að koma tímanlega því ævinlega er margt um manninn þar og

byrjað er að rétta  kl. 09:00    stundvíslega!

Flóa-og Skeiðamannaafrétti er skipt í Austurleit og Vesturleit.

Vesturleitarar fara inn á Sultarfit en Austurleit inn á Skeiðamannafit.

Tveir Flóamenn fara í Arnarfell  á Gnúpverjaafrétti, og nokkrir í Norðurleit og hitta þeir félaga sína á Skeiðamannfit og smala með þeim þaðan það sem eftir er ferðar.

Féð af Skeiðum og úr Flóa er ekki lengur rekið inn í Skaftholtsréttir heldur beitt  þar um tíma, og síðan er haldið áfram niður í Reykjaréttir.

Búast má við einhverjum töfum á umferð á þjóðvegi nr. 32 milli Árness og  Sandlækjarholts frá kl. 16:00  - 20:00 þann 10. sept.  þegar Flóa og Skeiðaféð fer niður hreppinn.