Ólafsvallakirkja

Ólafsvallakirkja er nú í nýstofnuðu Hrunarprestakalli.

1. janúar 2010 var Stóra-Núpsprestakall lagt niður og Ólafsvallakirkja og Stóra-Núpskirkja settar undir Hrunaprestakall.

Það var tilskipan frá Biskupi Íslands. 

Timburkirkjan, sem nú stendur, var byggð 1897 og tekur 120 manns í sæti. Samúel Jónsson frá Hunkubökkum á Síðu var yfirsmiður.

Altaristafla eftir Baltasar sýnir síðustu kvöldmáltíðina. Þorsteinn Guðmundsson, málari, málaði hina altaristöfluna, sem er mynd af krossfestingunni. Prestssetur var á Ólafsvöllum til 1925, þegar staðurinn var lagður til Stóra-Núps.   

Séra Eiríkur Jóhannsson í Hruna  er sóknarprestur og

Þorbjörg Jóhannsdóttir, Stóra-Núpi, organisti.

Valgerður Auðunsdóttir Húsatóftum I,  meðhjálpari.